بقلم ايمان حجازى الجزء الثالث

ناس لا بحبهم ولا عايزه اكون معاهم .. سألتك قبل كده وقلتلك ليه ! وانت مين! وازاي بقيت في حياتي !!.. قلتلي هتعرفي كل حاجه في الوقت المناسب .. انهي وقت يا عبدالله !!بعد ما علقتني بيك وانا اصلا مش في بالك بعد ما عذبتني ومشيت .. طب كنت عرفني انك مش هتفضل معايا للأخر كنت حطلي النقط علي الحروف من البدايه.. علي الاقل مكنش كل ده حصل ..
ثم اكملت بأبتسامه ساخره وعيون باكيهواكيد دلوقت كمان الجواز ده غلطه وهنتطلق وبرضه هتبعد وتسيبني ولا كأن كان في حاجه بيننا لأن اكيد ماما اللي اجبرتك عليا ..... 
ظل عبدالله يستمع لها في اسي وحزن فلا يعلم من اي مصدر قد زودت بتلك الكلمات .. من الذي ملأ رأسها بذلك الهراء وكان يريد اجابتها ومصارحتها بكل شي فور توقفها عن الحديث ولكن استوقفه اخر ما نطقت به .. تحرك بأتجاهها وأمسك بكتفها وضمھا اليه بكل قوته وهو يحيطها بذراعيه كي لا تفارق احضانه .. ضمھا اليه بقدر شوقه ولهفته وعشقه الذي يندفع من اعماق قلبه كالنهر الجارف وكأنه يجيبها علي كل ما ارادت سماعه بذلك العناق يحدثها بأنها له فقط .. شئ خاص به وحده ولا مفر من عشقه الا المۏت .. وما ان فعل ذلك حتي تحول قناع القوه التي ارتدته الي ضعف مره اخري وازداد نحيبها شاهقه وهي تردد في عشق جارف وصوت متقطع وهي ټدفن رأسها بصدره حتي بللت ملابسه بدموعها...
متبعدش .. عني .. مقدرش .. اعيش .. من .. غيرك
اشتد عناقه اكثر وهو يبثها الطمأنينه والحب .. اي بعد ذلك التي تتحدث عنه !! اولا تعلم ان عشقه لها يفوق اضعاف حبها .. 
لم يشعرا كم من الوقت مر عليهما وهما علي هذه الحاله كل منها يذوب يين ذراعي الاخر الي ان ارتفعت مرام ببصرها اليه فأحتوي بكفيه وجهها وجفف دموعها التي لم تتوقف عن الهطول .. تسارعت خفقات قلبها اكثر وكأنها تتأكد من انه بجوارها بل
بأحضانه وهي تردد
بحبك اوي....
وشعر هو بأناملها ترتعش علي وجهه وتغيرت ملامحه وهو يراها تحاول التقاط انفاسها وعيناها تزوغان حتي اغمضتهما وخارت قواها .. وسقطت بين يديه
يااااااااه بقه كل ده يطلع من سمر !!
قالها حسن في استغراب وهو ينظر الي ادهم الذي اتي لزيارته والتخفيف عن الام قلبه التي سببتها له سمر بعد ما قص عليه كل ما رأي...
هز أدهم رأسه في حزن مضيفاوانا كنت مفكر حاجات تانيه خالص ومش فاهم حقيقتها وبغبائي كنت بقرب منها اكتر...
حسن بحيرهطب وانت دلوقت هتعمل ايه !! .. 
تنهد ادهم في ضيق وحنق ورددهنساها يا حسن .. بعد اللي شفته منها حسيت بغصه شديده في قلبي .. حسيت اني كنت غلطان لما فكرت فيها من الاول .. لما فكرت في الحب والجواز من البدايه .. 
لينتبه حسن لأمر مهمانت دلوقت خلاص استقريت معانا في شغلك .. هتسافر تاني ولا هتعمل ايه !
اي يا عم حسن انا صرفت نظر عن موضوع الحب مش الشغل .. وبرضه صرفت نظر عن موضوع السفر وهفضل معاكم هنا .. وصفحه سمر هقفلها بأديا للأبد ..
حسن بحيره بالسهوله دي يا صاحبي ..!!
اه بالسهوله دي .. مبقاش يشرفني واحده زيها .. وان كان علي قلبي اعرف ادوس عليه لما يفكر فيها تاني.. لكن معتقدش... ملحقش يبقي ليها حاجه في قلبي افتكرها بيها أصلا.. مجرد اعجاب وهيروح لحاله
فردد حسن مواسيا معلش يا صاحبي بكره هتلاقي اللي احسن منها واللي تستاهلك 
اردف ادهم يائسا لا بكره ولا بعده .. انا الموضوع هقفل عليه نهائي دلوقت...
ثم ردد مغيرا الحديث ولازم افهم عبدالله كمان اللي بيحصل حوليه وهو بمعرفته يفهم مرام لاني عارف انهم بيحبو بعض ومش لازم يتأثرو بأفعال واحده زي دي 
قال حسن محذرا معاك حق بس تفتكر عبدالله مش هيتهور ويعرف جلال بيه او حد منهم!!
ادهم بتأكيد لا عبدالله بيعرف يوزن الامور ويتصرف كويس .. انا واثق من تفكيره .. 
حسنطيب هتقابله امته !
أدهم قريب ان شاء الله ..
افاقت مرام شيئا فشيئا وفتحت زرقاوتيها لتجد نفسها بغرفتها وعبدالله بجوارها وهو يتطلع اليها في حب عميق ويقبل اطراف اصابعها التي لم تفارق يديه منذ ان فقدت وعيها من شده الارهاق وقله الغذاء نظرت اليه وارادت ان تتحدث ولكن بادر عبدالله بوضع اصبعه علي فمها في رقه وقال في حنان
اشششش اتكلمتي كتير وانا سمعتك ودلوقتي جه دوري ان انا اتكلم........
ثم اطلق زفيرا بأرتياح وتنهد قائلا اول مره شفت فيها والدتك كان في موقف مش كويس مش حابب ان انا اكلمك في تفاصيله بس انقذتها من ورطه كبيره .. وفضلنا تقريبا شهرين او تلاته بعدها لحد ما جيت المركز الطبي اللي كانت والدتك شغاله معاهم فيه .. كنت جاي ومعايا والدي محتاج عمليه ضروري في القلب وكانت مكلفه جدا لدرجه اني مكنش معايا المبلغ ده في وقتها .. والدتك افتكرتني ودفعتلي المبلغ ده خصوصا لما اتعرفت عليا وافتكرت ان انا نفس الشخص اللي ساعدها قبل كده .. بعدها اتكررت مكالماتنا ومقابلتنا عشان اعرف ارجع لها الفلوس وعرفت خلال الفتره دي بمرض والدتك وفضلنا فتره مفيش كلام بيننا لحد ما اتفاجئت بيها مره بتكلمني وعايزه تقابلني ضروري ووقتها قالتلي علي كل حاجه .. علي عمك والسوار وانتي وفلوسكم وعرضت عليا مبلغ مقابل كل ده .. مش هكدب عليكي المبلغ شدني جدا خصوصا لاني كنت فعلا محتاج فلوس عشاني وعشان اهلي .. كنت عايز اساعدهم يعدو الفقر اللي كانو فيه .. كنت عايز اقدم لعمي اللي هو زي ابويا واكتر اي حاجه اردله بيها كل اللي عمله معايا انا وخواتي من واحنا صغيرين .. والدتك فهمتني ان كل حاجه متأمنه الفلوس وانتقلت لحسابي وانتي جوزتني ليكي عشان تضمن اكتر ان عمك ميقدرش يعمل اي حاجه وياخدك ..
اه يا مرام انا فعلا وافقت في الاول بسبب حاجتي للفلوس وكنت عامل حسابي ان انا وانتي فترات في حياه بعض لحد ما توصلي للسن المناسب وكل واحد يروح لحاله ونفض الوصايه وتاخدي حقك لكن
لما شفتك اول مره حسيت ان اللي بيننا مش هينتهي بسهوله زي ما انا متخيل .. حسيت اني عايز افضل معاكي علي طول جنبك اطلع الخۏف اللي جواكي ده بعيد عنك احتويكي اخليكي حاجه كبيره .. مشاعر كتير قوي اتكونت جوايا اول ما شفتك حسيتك فعلا محتاجاني حسيت نفسي وحش اوي لما قبلت بس عشان الفلوس ونسيت انك فعلا محتاجه حد .. لقيت نفسي مع الايام بتشد ليكي ڠصب عني حسيتك بتاعتي ومحدش ينفع يقربلك غيري وعشان كده اتدخلت في حياتك وغيرتك زي ما انا عايز زي ما يكون كنت بهيئك عشان تبقي معايا واللي بتكمليني طول العمر .. عارف ان انتي كمان حبيتيني وعارف انك طلبتي مني كتير اني ابينلك مشاعري زي ما انتي فاتحالي قلبك كده .. بس انا كنت شايف حاجه تانيه .. كنت بس مستني تكبري شويه وتخلصي ثانويه الاول وبعدها هتلاقي كل اللي انتي عايزاه مني .. مش عشان انتي عايزه كده .. لا .. عشان انا قبلك محتاج ده واكتر منك كمان .. اه يا مرام انا بحبك .. انتي اول حد يخطف لي قلبي من غير ما احس ...
تسارعت نبضات قلبها واوغرقت عيناها بالدموع وظهر عليها التأثر الشديد بكل ما اردف به وهي تنظر اليه في صمت عده لحظات حتي تسللت دمعه من طرف عينيها فمد يديه ومسحها بأنامله في رفق وحنان وهو يقترب منها ويضمها الي صدره وهو يسألها ليه بس الدموع دي يا حبيبتي !
قالت وهي تضمه في حبمعرفش يمكن عشان كنت مستنيه الكلمه دي اوي منك وتخيلت احساسي كتير وانت بتقولهالي بس دلوقت حاسه بحاجه تانيه عمري ما حسيت بيها ابدا قبل كده 
ابتسم بحنان وهو يقرب وجهها من وجه ويضع يديه بين شعرها ممسكا وجهها بكفيه ولما سمعتيها دلوقت حسيتي بأيه !
نظرت لعينيه مباشره وسبحت في دفئهما وهي تهمس اني بحبك .. 
تنهد في ارتياح شديد وضمھا اليه مره اخري وردد يمكن حبيتك من اول مره شفتك فيها .. سنه كامله عدت بيننا وانا فاكر ان اللي رابطنا بالشكل ده هو الوصايه وبس وان ملكيش غيري .. سنه وانا بدور علي الاحساس الحقيقي اللي جمع بيننا للدرجه دي .. بحاول اعرف انتي مين بالنسبه لي .. لحد ما عرفت ان انتي كل حاجه ليا ف الحياه .. البرائه والطيبه والحنيه والراحه والامان والاطمئنان .. والحب .. انتي الحب نفسه يا ميمه .. الحب اللي معرفتوش قبلك .. ومش شايفه في غيرك ..
ثم امسك وجهها بيديه في عشق وازداد صوته انخفاضا وهمسا وهو ينظر اليها في عشق دلوقت عرفت ان احساسي ناحيتك كان اكبر واعمق بكتير من الوصايه
انقطع صوته وهو ينظر مما فعل وتحول وجهها ذات البشره البيضاء الي اللون الاحمر فأبتسم في حب وقال هامسا في اذنها...في حاجه كمان نسيت اقولك عليها... 
ازدادت خجلا واخفضت بصرها بشده واغمضت عيناها في حين نظر هو لها وقال بصوت مرتفع وهو يرسم علي وجهه جديه مصطنعه
امتحاناتك فاضل عليها 3 ايام يا هانم وانتي قاعده تتدلعي وبقالك شهر مبتاكليش .. الكلام ده مينفعش خالص .. 
فتحت عيناها پغضب وهي تنظر له حيث وجدته يقهقه وتركها وذهب الي المطبخ لكي يصنع لها طعاما .. ما ان خرج من الغرفه حتي نهضت علي فراشها واخذت تقفز في مكانها لأعلي عدت مرات كالطفله الصغيره التي فازت في معركه بين الاطفال او تحد.. وشعرها الطويل يقفز معها ويتطاير حولها كالمجنونه وهي تصيح في حماس وزهو وسعاده بالغه
.. هييييييه yes .. yes .. yes 
كانت رحاب جالسه علي سريرها والدموع تنساب من
عينيها في صمت وقد فقد وجهها الروح والحياه حتي فتح باب الغرفه ودخلت عليها الحاجه هدي وبيدها صينيه طعام وهي تردد في حزن مينفعش اللي بتعمليه في نفسك ده يا رحاب يا بنتي بقالك كام يوم لا اكل ولا شرب .. قومي يا حبيبتي كلي لقمه تسندك .. قومي يا بنتي الحزن مش بيدوم 
لم تكن رحاب تراها حتي اڼفجرت في البكاء مره اخري ... وايضا عبدالله تركها بعد قليل من المواساه فقط لحالها.. وان كان هجره لها هذه المره اتي لصالحها فهي تشكر ربها الف مره ان عبدالله لم