عشق الهو بقلم نونا المصري
فمها وحاولت ان تمنع نفسها من التقيء فنظرت حولها ووجدت قارورة ماء امامها لذا ارادت ان تفتحها وتشرب القليل ولكن الأمر ازداد أكثر عندما اهتزت الطائرة لذا نهضت من مكانها ثم ربتت على كتف الشاب فنظر إليها وقال خير يا انسه انتي كويسه
اشارت له بيدها اليسرى لكي يفسح لها مجالا من اجل ان تمر وتذهب إلى حمام الطائرة بينما كانت تضع يدها اليمنى على فمها ... فنهض بسرعة واضاف اه... اتفضلي.
وبعدها غسلت وجهها وعادت الى مكانها فنهض الشاب مجددا لكي يفسح لها مجالا لتجلس مجددا فنظرت اليه وقالت بصوت ضعيف متشكره.
ثم جلست وارادت ان تفتح قارورة الماء لكي تشرب ولكنها كانت مغلقة بشدة لذا لم تستطيع ان تفتحها لانها كانت ضعيفة ولا تمتلك القوة لتضغط على نفسها بسبب قلة الأكل فنظر اليها الشاب ثم وضع حاسوبه جانبا ودون اي تردد اخذ قارورة الماء من يدها قائلا خليني اساعدك.
اعطاها الشاب الماء وابتسم بعفوية قائلا على ايه... دا اقل واجب.
فشربت مريم بعض الماء بينما كان هو يحدق بها وبعد ان انتهت سألها احسن !
اومأت برأسها قائلة ايوا... متشكره.
الشاب العفو...شكلك اول مرة تسافري في الجو مش كدا
مريم ايوا... دي اول مره اركب طياره واخرج برا مصر .
مريم لا ابدا ..هروح اقعد عند صاحب بابا انا وصاحبتي اصله يبقى عمها...وحضرتك يا استاذ !
فابتسم الشاب وقال خلينا نتعرف الاول...انا خالد... خالد نجم رجل أعمال حره .
يتبع.... الفصل السادس
بسم الله الرحمن الرحيم
قراءة ممتعة للجميع
صافحت مريم الشاب المدعو خالد وقالت
وانا مريم مراد ....مصممة مواقع الأيكترونية ومبرمجة تطبيقات .
خالد اتشرفنا .
مريم الشرف ليا انا .
وابتسم خالد ثم استطرد متقلقيش طبيعي تحسي بدوخة علشان دي اول مرة تسافري في الطيارة وكمان شوية وقت هتتعودي وكل حاجة هتبقى تمام .
مريم باين على حضرتك انك مقضيها سفريات في الطيارة مش كدا يا استاذ خالد ولا انا غلطانة
مريم وعيلتك بيسافروا معاك برضو ولا بتسافر لوحدك
في تلك اللحظة تغيرت تعابير وجه خالد فقال بنبرة حزينة الوالد والوالدة...تعيش انتي وانا كنت ابنهم الوحيد ومعنديش قرايب غير عمة وحده عايشه معايا في نيويورك وانا بعتبرها امي التانية لان هي اللي ربتني من وانا صغير .
قالت ذلك ومسحت دموعها فأنتبه عليها خالد واردف بتوتر الظاهر انا فكرتك بحد كان غالي على قلبك جدا بس هو... ماټ مش كدا
ازدردت مريم ريقها واجابت ايوا... عيلتي.
فسألها خالد بغير تصديق كلهم... ماتوا !
ردت عليه بنبرة مرتجفة للغاية في الاول ...بابا توفى قبل تلات سنين بحاډثة شغل وبعدين... ماما ماټت من سنة تقريبا..ومفضلش غيري انا واختي الصغيرة بس هي ... هي كمان راحت الاسبوع اللي فات وسابتني لوحدي...
قالت ذلك واجهشت بالبكاء الامر الذي اربك خالد ولم يعد يعلم ما الذي يجب أن يفعله فقال بتلعثم انا...انا اسف يا انسة مريم مكنش قصدي افكرك بحزنك بتمنى انك تسامحيني.
فمسحت مريم دموعها مجددا وهزت رأسها بالنفي قائلة بصوت مخڼوق ولا يهمك... اساسا انا مستحيل انسى الموضوع دا ابدا يعني انت مفكرتنيش فيه.
اخرج الشاب منديله الحريري من جيب سترته وقدمه لها قائلا اتفضلي... امسحي دموعك وانا اسف مرة تانية .
فنظرت مريم اليه لتجد في عينيه نظرة صادقة وحزينة يغلب عليها بعض الندم لانه جعلها تبكي فابتسمت واخذت المنديل من يده واردفت متشكره...وارجوك بلاش تعتذر لانك مغلطش في حاجة .
ثم مسحت دموعها وابتسم هو لها وقرر ان يغير الموضوع إذ قال بعفوية قوليلي بقى ...هي فين صاحبتك اللي سافرت معاكي
اشارت مريم نحو مقعد الهام التي كانت بعيدة عنها قليلا وتغط في سبات عميق ثم اجابت شايف البنت اللي نايمة هناك هي دي بقى صاحبتي واسمها الهام أمين ودي تبقى اجدع واروع صاحبة في الدنيا كلها وانا بعتبرها اختي مش بس صاحبتي .
في تلك اللحظة تحركت الهام اثناء نومها وعبثت بشعرها فأصبح فوضويا مما جعل خالد يبتسم وقال دي باين عليها طيبة اوي.. بتشتغل ايه
مريم برضو مصممة مواقع إلكترونية .
خالد جميل... انتوا بتشتغلوا نفس الشغلانه وكمان صحاب حاجة حلوه.
مريم ايوا بس انا تخصصي هندسة الكترونية وبرمجة تطبيقات بينما التخصص بتاعها برمجة مواقع والتسويق الإلكترونى.
خالد وانتي تعرفيها من امتى
مريم من وحنا صغيرين اصلها....
ويستمر الحديث والتعارف بينهما
عوده الى مصر ...
كان يقود سيارته بسرعة چنونية ويبحث عنها كالمچنون الذي يبحث عن آبره في كومة قش عيناه تشتعل وكأنها جمرات غارقة بالدموع كما كان
يعقد ما بين حاجبيه بشدة فتكون بينهما شق عميق وكان وجهه مشدودا للغاية مما جعل عظمام فكيه وعروق رقبته تظهر للعلن ويديه كانتا تضغطان على مقود السيارة بقوة كبيرة وكأنه يحاول ان يحطمه ... وبينما كان على تلك الحال صاح بنبرة غاضبة ازاي اتجرأت
ثم ضړب المقود بيديه واردف مين اداها الاذن علشان تسيبني وتخرج برا مصر .. مين سمح لها تبعد عني ببساطة كدا هي فاكره لو انها قدرت تسيب مصر مش هعرف الاقيها يعني دا انا ادهم عزام السيوفي وهلاقيكي يا مريم لو كنتي تحت سابع ارض ومش هسمحلك تسيبني ابدا ...مش المرة دي ودا وعد مني .
قال ذلك وزاد من سرعة سيارته ولكن سراعان ما تذكر شيئا مهما لذا ضغط بقدمه على الفرامل واوقف السيارة في منتصف الطريق فجأة مما سبب عرقلة سير في الشارع فاخذت ابواق السيارات تصدر اصواتا وسمع شتائم السائقين.. فقال احدهم ايه انت مچنون !
وآخر وقفت كدا ليه يا متخلف عايز تعمل حاډثه !
وآخر انت اعمى ولا ايه !
وآخر لما انتوا متعرفوش تسوقوا تركبوا عربيات ليه !!
ولكنه لم يهتم لاي شخص منهم بل قام بتدوير السيارة وعاد بها الى البناية حيث كانت تسكن مريم... وما هي الا مدة قصيرة قد مرت حتى وصل فترجل وركض متوجها نحو البواب وسأله بلهفة متعرفش هي سافرت فين
فنظر البواب اليه بغرابة وقال لا يا بيه... محدش يعرف لانها سافرت فجأة.
اشاح ادهم بنظره عن
الرجل كما لو كان يفكر بشيء وسرعان ما عاد ونظر اليه قائلا متشكر.
ثم عاد الى سيارته وهو يقول في سره اكيد البنت اللي اسمها الهام دي تعرف مريم راحت فين انا لازم اسألها .
قال ذلك ثم صعد في السيارة وشغل المحرك وقاد بنفس السرعة الچنونية حتى وصل إلى الشركة وتوجه فورا إلى القسم الذي كانت تعمل فيه الهام وقف جميع الموظفين عندما رأوه وقد شعروا بالتوتر لانه دخل دون سابق إنذار واخذ يبحث عن احدهم بين المكاتب... فاقترب منه مدير القسم وسأله بتردد عايز.. عايز حاجة يا فندم
نظر ادهم اليه وسأله فين الموظفة اللي اسمها الهام أمين
المدير الهام أمين هي استقالت من الشغل بقالها يومين .
قطب ادهم حاجبيه بشدة وسأل بدهشة استقالت !
المدير ا.. ايوا يا فندم.
فصاح ادهم پغضب وانا ليه معرفش هو انا رجل كنبة في الشركة دي ولا ايه
ارتعش المدير من شدة التوتر وقال بتلعثم ح.. حضرتك م.. مكنتش هنا لما هي قدمت استقالتها ومحدش قدر يوصلك ابدا.
في تلك اللحظة اعاد ادهم شعره الى الخلف وبعدها خرج من القسم كما لو انه اعصار اما الموظفين فتنهدوا بقوة لان الخطړ زال عنهم.... فذهب هو الى مكتبه في الطابق الاخير حيث نهضت سلمى بسرعة عندما رأته وقالت نورت يا فندم.
فأقترب منها وقال بلهجة أمر اتصلي على البنت اللي اسمها الهام أمين دي وخليها تيجي الشركة حالا.
سلمى تحت امرك يا فندم.
ثم دخل ادهم الى مكتبه اما سلمى فوقفت تحدق بالباب وقالت بتساؤل هو ايه اللي بيحصل بالضبط في الاول مريم ودلوقتي الهام ... يا ترى ايه اللي عملوه البنتين دول لادهم بيه
قالت ذلك ثم تنهدت وبدأت تبحث في هاتفها عن رقم الهام الشخصي وعندما وجدته حاولت الاتصال بها ولكن النتيجة كانت ان الهاتف خارج نطاق الخدمة...فحاولت مره ثانية وثالثة ورابعة وكانت النتيجة نفسها فتنهدت مجددا ثم نهضت من مكانها واقتربت من باب مكتب ادهم اخذت نفسا عميقا وبعدها طرقت الباب ودخلت فوجدته واقفا امام النافذة ينظر من خلالها إلى الشارع والمباني الاخرى بتركيز كبير وكان ېدخن سېجارة والدخان يتصاعد من حوله اقتربت قليلا ووقفت خلفه ثم اردفت انا جربت اتصل عليها يا فندم بس الموبايل بتاعها مقفول.
نفث ادهم الدخان من فمه وقال بهدوء جربي تتصلي بأهلها ...اكيد هتلاقي رقمهم في ال CV بتاعها.
سلمى حاضر.
قالت ذلك ثم خرجت من المكتب وعادت الى مكتبها وبدأت تبحث في الكومبيوتر عن سيرة الهام الذاتية وعندما وجدتها اكتشفت ان الفتاة لم تكتب في سيرتها الذاتية رقم هاتف منزلهم وانما سجلت رقم هاتفها الشخصي فقط بالاظافة الى العنوان لذا دونت العنوان على ورقة صغيرة وعادت الى مكتب ادهم حيث وجدته واقفا بنفس الوضعية فقالت انا اسفه يا فندم بس الانسة الهام مكتبتش رقم تليفون البيت في ال CV بتاعها وانما سجلت رقم الفون الشخصي والعنوان ...وانا سجلتهولك على الورقة دي .
فالټفت ادهم اليها ثم اخذ الورقة من يدها والقى عليها نظرة واحده فقط وبعدها اعادها الى سلمى ومر من جانبها متوجها نحو باب مكتبه دون ان ينبس ببنت شفة فخرج
واستقل المصعد... اما هي فتنهدت وقالت الظاهر ان البنتين دول عملوا حاجة كبيرة والا مكانش ادهم بيه هيدور عليهم بنفسه ...ربنا يستر بقى.
تسارع في الأحداث ......
أصبحت مريم صديقة لخالد نجم حيث انهما تعرفا على بعضهما البعض اكثر بعد جلوسهما لعدة ساعات بجانب بعضهما في الطائرة كما انه راق لها وشعرت انه شخص صادق وحنون ولا تعلم لما شعرت بالراحة لانها تحدثت معه وبالنسبة له فهو اعجب بها وبشخصيتها ورقتها وشعر انهما سوف يلتقيان مجددا وان هذا اللقاء لن يكون الاول والاخير بينهما... فقام بأعطائها بطاقة عمله وقال دي البطاقة بتاعتي وفيها كل ارقام تليفوناتي وعنوان شركتي ... لو احتجتي اي حاجة لما نوصل بتمنى انك تتصلي بيا.. وكمان يا ريت
