اسكريبت ورطة مع زوجى بقلمي أسماء الكاشف

ده وضحكت لما افتكرت ازاى ضړبته واتصلت كمان بجده
فلاش باك
جريت ورا كرسي السفره لما لقيته قفل الباب وبيشمر كم قميصه وبيبصلى بشړ
تعاليلى بقى يا حلوه نتحاسب بقى
اهدى يا لا وخليك مكانك احسن والله
هتعملي ايه يعنى تعاليلى بقى
قالها بعصبيه وبيحاول يمد ايده يمسكني
جريت وهو فضل يجري ورايا
اقفى بقى فرهدتينى
لا يعنى لاء مش مستغنية عن عمرى
هنتكلم بهدوء ذى اى أثنين كبار وواعين
قالها بمهادنه وخبث
هبلة انا صح يابنى انا إلى عملت المقلب ده فيك قبل كده وضربتك قولتها بضحك لكن صړخت لما لقيته قرب منى اوى وجريت ومسكت الفاظة وسيلة للدفاع عن نفسى
بتستخبى ورا مزهرية يا ست مسك وبرد هجيبك حتى لو مستخبيه تحت الأرض قالها وبيقرب أكثر نطيت على الكرسي وطلعت علي الطربيزة
ماتقربش لأعورك ايه إلى معصبك كده عايزه اعرف
مش عارفه الي عصبنى سي ذفت بتاعك ايه إلى جابه الفرح وهو يعرف أن احنا متجوزين وعندنا عيال كمان
انا إلى عرفته قولتها بسماجة
فى لحظة لقيته فوق الكرسى الى جنب الطربيزه وبيمسك ايدى
مسكتك ولا حد سمي عليكي
من غير وعى صړخت وضړبته خفيف بالمزهرية ماعرفش ليه هو ضعيف ووقع من على الكرسي وسحبنى معاه وقعت فوقه كسرت صدره ورأسه بتنزل ډم مكان الضربه
بقلم أسماء الكاشف
فتحت عينى لقيت نفسى فى حضنه وهو ماعرفش مصيره ايه بعد عنه بسرعه ولقيته مغمى عليه حاولت افوقه أكثر من مره بس ما فاقش مسكت تليفوني ورنيت على جده ينقذ حفيده لحسن الحظ كنت واخده رقمه وبعد شويه لفيت رأسه بضماض وقفت الډم ببن من القهوة
باااك
ضحكت على منظره وقولت
عاملى فيها سبع رجاله فى بعض ضحكت ورميت نفسى على السرير وانسحبت لعالم الأحلام بعد إرهاق يوم طويل
جدي ايه إلى جابك
قالها پصدمة واضحه لما شاف جده حسن واقف قدامة
انت كويس قالها بلهفه وبيحسس على وشه بقلق
كويس ياجدى ادخل
قالها بهدوء وبعد عن مرمي ايد جده ووسعله يدخل
قعدو في الصالون وحكى محمد كل حاجه علشان جده يطمن عليه
انت ليه مخبي عليها لدلوقتى لازم تحكيلها
مش وقته يا جدى هعرفها كل حاجه بس في وقتها
قالها بسرعة سمع تنهيده جده إلى وقف مكانه وقال اعمل إلى عايزه يا محمد بس متزعلش من ردة
فعلها لما تعرف الحقيقة
مش هسمحلها تبعد عنى ابدا قالها بإصرار وراقب جده بيتحرك ومشى سايبه مع صراع كبير بين قلبه وعقله
اصحي يا مسك
قالها بهدوء وحذر وهو يقرب ليأتيه الرد على هيئة صڤعة من يدي ثم صړاخي 
لا حرامي قولتها وأنا بستعد لوضع الھجوم ناسية كل حاجه ونسيت انى اتجوزت
حرامي في عينك أنا جوزك ياهبلة قالها بسخرية وهو يضع يده علي خده مكان الضړبة
اسفة قولتها بكسوف وخوف مع ابتسامة بلهاء لما شوفت نظرته الإجرامية ليه ضم ايده كأنه هيضربني وبعدين نفخ بغيظ وقام من جنبى قبل ما يتهور ما هو أنا صراحة ذودتها معاه خليت وشه شوارع كفاية انى بهدلته امبارح يوم فرحه
اجهزى زمان أهلك على وصول قالها وهو مديني ظهره وخرج على طول
بصيت عليه وهو بيخرج واتنهدت بحزن وقومت غيرت فستان الفرح
بقلم أسماء الكاشف
احم منكن تفتح السوستة قولتها بإحراج وببص على الأرض بكسوف عمري ما تخيلت انى اتكسف كده ضحك على شكلى وبدء يتأمل شكلى كنت جميلة حتى بعد ما مسحت الميكب
غبي اتسرعت وخوفتها منك قالها لنفسه پغضب وبعدين اتحرك يفتح الباب
بقلم أسماء الكاشف
دخلت الأوضه ووقفت قدام المرايه پصرخ بهدوء
ايه إلى أنا هببته ده هيقول عليه ايه سكتله ايوه سكتله كان المفروض الطشه كف يفوقه
قولتها وسكت وغيرت لبسى لما سمعت صوت أهلى فى الشقة وهو استقبلهم
ماما
قولتها برقة استغربها وبصلى بشك ورفع حاجبه بمعنى هو انتى مسك إلى بهدلتنى امبارح وفتحت دماغي حضنت امي بهدوء وهى
انتي كويسة يا حبيبة قلب أمك
انا فل اوى يا ماما ازيك يابابا قولتها وحضنته
بخير حبيبتى طول ماانتى بخير اقعدي قالها بهدوء وهو يجلسني بينه وبين امي بينما محمد يشاهد هدوئي وخجلي بإستغراب
انت كويس يابنى ايه
إلى معور دماغك كده
جاموسه نطحتني قالها بهمس
بتقول ايه يابنى
اتخبط فى الباب ياطنط يعنى مستحيل مسك إلى تكون عورتني اصلها كيوت اوى ده خاڤت عليه وربطتلى الشاش على رأسى قالها بكذب وغيظ وبيبص عليها بسخرية
حبيبي بقى لو مش هخاف عليك هخاف على مين يعنى بصلي برفعة حاجب وسكت
ربنا يخليكم لبعض قالتها ماما بدعوة صادقة
دمت عصير وحلويات وروحو وسابوني لوحدي مع عمنا الغول
رن الجرس ثاني فتحه محمد وانا واقفه بعيد اشوف مين إلى جاي ثاني
استاذ أسامة اتفضل قالها بترحيب ويمد ايده ليسلم وأسامة أيضا مد يده كترحيب
وانا واقفه فى صدمة
مديري Oh my goad
مسك دايما كده يااستاذ محمد متسرعة بس طيبة قالها بهدوء بعد ما قعد على كرسي فى الصالون وانا كالعاده قعد قريب منه وببعت تنبيهات ليه مش عايزه محمد يعرف من حد غيري
مش هتقدمي حاجه يا حبيبتى
قالها محمد بهدوء وبيبص عليه بعينيه إلى شدتنى كالعاده وخصوصا كلمة حبيبتى منه ليها طعم ثاني فوقت على صوته
هتلاقى العصير في الثلاجة حبيبتى هتعرفى لوحدك ولا أجى اساعدك
ياريت تيجى معايا قولتها بسرعة ودلع علشان مايقعدوش لوحدهم من غيري هو أنا هبلة يعني ضحك أسامة
ربنا يسعدكم هى دايما كده ملبوخة حتى فى الشغل الله يعينك يااستاذ محمد
محمد بس احنا بقينا اصحاب خلاص
اكيد يا محمدببص عليهم بغيظ العلاقة بينهم زادت استأذنا ودخلنا المطبخ
ذقيته بعصبية على الثلاجة وراه وأنا واقفه قدامه
انت عرفت أسامة ازاى ها رد عليه وايه إلى عزمة وجابة بيتنا قولتها بعصبية وخاېفة إلى حسيته يكون صح ويكون بينهم علاقة شغل ويكون محمد عارف موضوع عيلة الدمنهورى
بقلم أسماء الكاشف
انتى مهتمية ليه بالموضوع ده
قربت منه ومسكت قميصه بغيظ وهو وراه الثلاجة وأنا قدامه مباشرة
مش كل سؤال ترد عليه بسؤال منكن افهم ايه إلى بيحصل من ورايا
نفسى زاد مع عصبيتى وهو واقف بكل برود وبيضحك عند النقطة دى اتعصبت أكثر 
بارد
قولتها بعصبية وسيبت قميصه بإحراج والټفت أبعد عنه لكن قبل ما أبعد لقيته مسك ايدى برقة اتحولت لهمجية لما دفعني أنا ناحية الثلاجة وأماكنا اتبدلت بصيت پصدمة عليه وهو بيقرب وشه مني اوى
منكن اعرف ايه إلى معصبك من انى اعرفه أو لاء
بعد وشى بصعوبة عنه
انا انا
انتى ايه
قالها بهدوء وعينيه بتسحرني بصيتله بتيه فضلت مغمضة شوية وحسيت بفراغ حواليه ففتحت عيني لقيته فتح الثلاجه وبيسكب العصير بصلى وهو طالع بشقاوة وغمزلي وخرج وأنا فضلت متنحة خبط رأسى بايدي
غبية قولتها بعصبية من نفسي ومنه وخرجت الحق ما يمكن إنقاذه
قعد مكاني وكان الاثنين منسجمين وبيضحكو على كڈبة محمد ازاى اتخبط في رأسه وحطيت ليه شاش وأنا قاعده على اعصابى
بصو بقى كنت عايزكم فى موضوع مهم
قلبى وقع في رجلي وبصيتله بتحذير ومحمد بص عليه بتركيز
طبعا تسمعو عن عيلة الدمنهورى المعروفة انها بتاجر فى الآثار
فأنا محتاج خدمة
منكم انتم الإثنين
اتفضل طبعا احنا فى الخدمة طالما قضية مهمه ذى دى وتفيد البلد احنا نقدم إلى نقدر عليه
قالها بجدية
جدع اووى وابن بلد كنت عارف انك راجل بيحب وطنه المهم عايزكم تدخلو وسط العيلة دى