اسيره العشق بقلم منة مجدي
مهاتفته ولكنها وجدت هاتفه بداخل الغرفه
تجمعت كل تلك الافكار والتخيلات البشعه في ذهنها
ماذا تفعل اتجلس هكذا ام تهبط لكي تجوب الشوارع
وتبحث عنه ام ماذا !!!
ظلت تدعوا الله بالا يكون قد اصابه اي اذي وان يعيده اليها سالما
وبعد وقت طويل عاد اياد بعدما كادت ملك ان تفقد عقلها
وما ان سمعت صوت الباب يفتح
ملك بقلق اياد
صعق اياد حقا من فعلتها
ولم يتفوه بحرف بل ظل جامدا في مكانه كالصنم
فهل يستطيع دفئ عناق تلك المحبه اسيرة العشق ومريضه عله الهوي ان يبعث الحياة في هذا الصنم
ملك كنت فين يا اياد
اياد في ايه انتي كويسه
ملك پذعر ممكن بعد كده متنساش تليفونك او علي الاقل تقولي مكانك
انت عارف انا فكرت فيه ولا تخيلت يكون حصلك ايه
امسك براسها بين يديه
اياد شششششش اهدي يا ملك خدي نفس انا كنت بتمشي وكويس جدا الحمد لله
بدات ملك تستوعب ما تفعله فابتعدت عنه في خجل شديد
ملك بخجل انا اسفه
انا كنت .....
يعني.....كنت قلقانه عليك
اياد انا اسف انا اللي غلطان
فعلا كان المفروض اكلمك او حتي اقولك
ملك محصلش حاجه
اياد باسما انا جعان ايه مش هتاكليني ولا ايه
ملك بابتسامة خمس دقاايق والفطار يكون جاهز
ذهب اياد لكي يبدل ملابسه
واخذ يتذكرها ويتذكر كيف ركضت ناحيته
ولهفتها دفئ احضانها وعطرها
من هي تلك الفتاه حقا ومن الذي رماها بطريقه
لا يعلم
في الكليه عند ريم وميرا
خرجت الفتيات من اخر محاضرة لهما
ريم اسبقيني ياميرا عند العربيه هروح المكتبه بسرعه وجايه
ميرا بس متتاخريش ياريم مبحبش اقف لوحدي
ريم لا تقلقي يافتاه كلها 10دقايق باذن الله
وبالفعل خرجت ميرا لانتظار ريم
فظلت بجانب السيارة في انتظارها
ولكن فجاءه اتي بعض الشباب وتجمعوا حولها وبداو في مضايقتها
احدهما طب بس رد علينا ياحلو
الاخر بلاش تتقل
كانت مذعورة كثيرا وبدات عينيها تمتلئ بالدموع
احدهما تعالي بس واحنا هنبسطك
وفجاءه اتي كريم وجذب الاخير من تلابيبه وظل يضربه حتي ادمي من كل وجهه فجذبه اصدقائه سريعا وهربوا
كريم پغضب ايه اللي موقفك كده لوحدك
ميرا پغضب ودموع وانت مالك
كريم بټعيطي ليه دلوقتي
ميرا ممكن تتصل بريم علشان عاوزه اروح
اشاحت ميرا بناظريها بعيدا عنه
هاتفها كريم سريعا
وبالفعل حضرت سريعا
كريم پغضب سايبه ميرا واقفه لوحدها ليه يا ست ريم
ريم كنت بجيب شويه كتب من المكتبه
كريم مينفعش واحده فيكوا تقف لوحدها بره كده فاهمين
ريم حاضر ياكريم
ممكن بقي تسيبنا نروح
كريم انا هروحكوا
ميرا بس.........
كريم مبسش يلا قدامي علي العربيه
كان كريم يشعر بالڠضب الشديد اما ميرا فكانت تشعر بالخۏف والحزن
كان يخطف منها بعض النظرات طوال الطريق
وهو يفكر ما كان سيحدث اذ لم يصل في الوقت المناسب
اوصلا ميرا اولا
ثم عادا الي المنزلاسيرة العشق
الفصل التاسع
مرت الايام ثقيلة بين روتين العمل والدراسه والمنزل
كان اياد مازال محتارا في شعوره ناحيه ملك ولكن كريم قد تاكد تماما من حبه لميرا ولكنه لم يعرف كيف يخبرها
في احدي الايام
سمعت ملك صوت الباب يفتح فادركت انه اياد
ذهبت كعادتها عند الباب لتستقبله ويزين ثغرها ابتسامة رائعه محاولة منها في تخفيف هموم عمله ولكنها وجدته علي غير عادته
فكان الحزن يبدوا جليا علي ملامحه ومن الواضح ان هناك امرا ما يشغل تفكيره قررت ان تحدثه ولكن ليس الان
ملك علي ماتغير وتاخد شاور يكون الغدا جهز
اوما راسه موافقا وذهب
فاعدت ملك الطاولة ووضعت الطعام واستدعته
بعد عده دقائق
ابتسمت ابتسامة ذهادئ مترددة
وتصنعت الانشغال في طعامها
ملك تعرف يااياد ان الفضفضه بتخفف نص المشاكل لاننا لما نشارك همومنا هنسمع وجهات نظر مختلفه فان شاء الله اكيد هنلاقي في واحده منهم الحل
ابتسم فقد فادرك سريعا ما ترنو اليه هي
اياد حاضر يا ملك هحكيلك
بصي يا ستي
واخذ يقص عليها كل المشكله
ملك بسيطه ان شاء الله
اولا انت تخرج صدقه
اياد ودا ايه علاقته
ملك ازاي
تعرف رسولنا الكريم حثنا علي الصدقات وخصوصا بقي لو قدامنا اي مشكله روح طلع صدقه بنيتين
الاولي طبعا ابتغاء لوجه الله تعالي
والتانيه طلب المساعده من الملك
وهو هيحلها
عارف يا اياد في واحد ابنه كانت درجه حرارته عاليه جدا والسخنيه مش عاوزة تنزل عمل معاه كل الوسايل اللي تنزل السخنيه اللي في الدنيا ومحصلش حاجه
مراته ربنا الهمها وقالتله روح طلع صدقه
الراجل قال لنفسه اجرب انا كده كده مش خسران حاجه وفعلا نزل وطلع الصدقه
وقبل مايطلع البيت كلمته مراته وهي پتبكي من الفرحه وقالتله الحراره نزلت وثبتت والولد فاق كمان
تعرف ابي هريره
اياد اه
في يوم كان معاه دينار واحد بس والبيت محتاج دقيق علشان ياكلوا
ومفيش اي حاجه في البيت تتباع علشان يجيب فلوس منها ومفيش اي اكل في البيت
فاخد الدينار وخرج
جاله سائل
ابي هريره فضل يهرب منه مكنش معاه حاجه يديهاله غير الدينار بتاع الخبز فضل يتهرب شويه لحد ما السائل قاله حق الله ياابي هريره الكلمه دي صحت ضميره فورا فراح مديله الدينار اللي كان معاه وفضل يفكر هيعمل ايه وهيجيب دقيق منين
فقرر انه ميروحش فاضي فملا الكيس اللي كان هيحط فيه دقيق رمل واخده وروح واداه لمراته وراح ينام
وبعد شويه صحي لقي مراته جايباله الخبز
فاستغرب فقالها منين دا
قالتله من الدقيق اللي انت جبته
شكر ربنا وبكت عيناه وحكالها علي الموقف
تخيل دا بس فضل الصدقه
ثانيا بقي ياسيدي
انت كل اللي محتاجه ممثل شاطر
اياد يعني ايه
ملك بص انا شفتها
قبل كدا في فيلث فيعني جربها مش هتخسر حاجة بما انهم حاطين سعر قليل وبما ان برضوا مفيش اي عملاء تانين فاحنا هنلجا للحيله
السكرتيره هتبلغك ان في عميل مهم علي التليفون
والممثل الشاطر دا بقي هيوهمهم انه هشتري المكان بسعر تلات اضعاف اللي هما حاطينه وانه كمان مستعجل
واستغل بقي فرصه ان الشخص دا علي التليفون وحاول توصل معاهم لاتفاق
اياد ياااه الفكره دي ازاي مجتش علي بالي
ملك علشان ببساطه الواحد وهو مهموم بيفكر في مكان واحد بس
ومتنساش قبل ماتروح الشركه الصبح تطلع الصدقه وباذن الله خير
اياد حالا هنزل اطلعها اصلا شكرا ياملوكه
شعرت ملك بتسارع دقات قلبها حينما سمعته يقول
ملوكة
وبعد انتهاء الطعام
ارتدي ملابسه وهبط لاسفل كي يخرج الصدقات
شعرت ملك بفرحه عارمة لقدرتها علي اسعاده ومساعدته
وبعد وقت قليل عاد وجلسا سويا يشاهدا التلفاز
ولكنه حقيقه لم يكن يشاهده بل كان يتامل ملك
وفجاءه تذكر احدي مواقف انجي
فقد كان متضايق حقا في احد الايام ولم تعره انجي اهتماما علي الرغم من رؤيتها لحزنه وضيقه بل وتذمرت بشدة حينما اخبرها بضيقه
في صباح اليوم التالي
استيقظ اياد مبكرا للذهاب لعمله
فوجد ملك مستيقظه بالفعل
وقد اعدت طعام الافطار
اياد ايه اللي مصحكي بدري كده
ملك متقلقش باذن الله خير انا متاكده ان ربنا هيجبر بخاطرك
لم يعرف لماذا ولكن كانت كلماتها علي الرغم من بساطتها فكانت مثل البلسم الذي يطمئنه ويربت علي قلبه
وبالفعل ما ان وصل الي الشركه حتي اتفق مع احد الموظفين علي خطه ملك
ودخل الاجتماع وبدات تنفيذ الخطه
وكانت المفاجاه بالنسبه له فقد وافقوا علي السعر
حمد الله كثيرا وانشغل في الاجتماعات لباقي اليوم
اما ملك فقد كانت تشعر بالقلق طوال اليوم
فاياد لم يهاتفها لكي يطمئنها
قررت ان تحضر الغداء لكي تشغل نفسها قليلا
ولكن مر الكثير من الوقت وهو لم يعد
