روايه سامحيني

كدا يبقا ادى دوره علي اكمل وجه يبقا ممنوش لازمة بقا.
داليا طب انت ليه معترض ع الشغل ليه بس يا رامي.
رامي هو كدا انا محبش مراتي تشتغل انا حر.
داليا پغضب رامي انا مش خديجة عشان تتحكم فيها كدا انا مش عديمة الشخصية زيها انا.......
رامي پغضب داليااااااااااااااااا.
داليا اتخضت من صوته العالي وعصبيته.
تابع رامي پغضب الي انتي بتغلطي فيها دي تبقا ام ولادي وبنت عمي وياريت متجبيش سيرتها تاني ولو جت يبقا تيجي بكل خير هي مكنتش معندهاش شخصية كانت عايزه راحتي وبتسمع كلامي كانت قاعده ف البيت تخلي بالها مني ومن الولاد مش معندهاش شخصية فياريت تنقي الفاظك وكلامك كويس وانتي بتتكلمي عليها.
داليا برقة عشان تمتص غضبه خلاص خلاص يا عمري الي تؤمر بيه لو مش عايز شغل يبقا بلاش شغل بس متتعصبش خلاص انا اسفه انا اهم حاجه عندي راحتك وتفضل راضي عني كدا علي طول.
قالت كل ده بمنتهى الرقة وهي بتمسك ايده.
هدأ رامي وكأن مفيش اي حاجه حصلت كلامها نساه كل حاجة وكملوا كلامهم تاني وسط الضحك والحب.
نروح عند خديجة ااي كانت ف حالة حزن ووحدة الحاجه الي كانت مالية عليعا الدنيا هي اولادها بس المشكلة ان مالك كان دايما يسال علي باباه هو فين وهي كانت اجابتها دايما مسافر وعنده شغل ولما الاولاد يناموا بترجع هي لقوقعة حزنها ووحدتها.
قطع افكارها جرس الباب فقامت تفتح الباب وقالت حاضر جاية.
وعندما فتحت الباب وجدت صديقة عمرها واختها وزوجة اخيها رندة.
ولما رندة دخلت البيت خديجة جريت عليها وحضنتها وفضلت تبكي بحړقة ف حضنها ورندة تطبطب عليها.
خديجة پبكاء شديد هيتجوز بكرا هيتجوزها بكرا يارندة بكرا.
رندة پبكاء علي صديقتها عارفة يا قلب رندة عارفة.
وسابتها تطلع كل شحنة البكاء الي جواها لحد ما خديجة هدأت وبعدت عن رندة.
خديجة انا اسفة يا رندة مخلتكيش حتي تخدي نفسك سامحيني انا اسفة اقعدي.
وبعد ما جلسوا...
رندة وبعدين يا خديجة وبعدين يرضي ربنا الي انتي عاملاه فنفسك ده.
خديجة عايزاني اعمل ايه يا رندة عايزاني اعمل ايه والانسان الوحيد الي حبيته بكل كياني هيتجوز واحدة تانية غيري بكرا عايزاني اعمل اي وانا كل كحلامي بتترمي ع الارض عايزاني اعمل ايه وهو هيكون لغيري بكرا.
رندة وهو من امتى كان ليكي من الاول عشان يكون لغيرك دلوقت.
خديجة رفعت رأسها وبصتلها.
رندة ايوا متبصليش كدا هو عمره ما كان ليكي عشان ميبقاش دلوقت طول عمره وهو بعيد عنك طول عمره وهو بارد معاكي طول عمره
رندة كل ده ولا كان ليه اي لازمة من غير حب ياروح قلبي كل ده من غير حب بيكون اسمه تادية واجب كل ده كان من غير طعم يا خديجة وانتي عارفة.
خديجة كانت بتسمع رندة وپتبكي لانها عارفة ان كلامها صح.
خديجة پبكاء طب اعمل ايه دلوقت ده كان كل حياتي كان كل حاجه فيها كانت حياتي متمحورة عليه هو والاولاد انا كدا بنتهي يا رندة بنتهي.
رندة پغضب من ضعف صديقتها تنتهي! هو اي الي تنتهي يا خديجة طلاقك من رامي مش نهاية الدنيا بالعكس دي بدايتها.
خديجة بدايتها
رندة ايوا بدايتها هو انتي فاكرة انك مع رامي كنتي عايشه تبقي غلطانة
انتي كنتي مدفونة بالحيا تعالي معايا كده... وشدتها من اديها ووقفتها قدام مراية.
وتابعت هي دي خديجة هي دي الي كنا بنقولها يا خوخة
وكانت خوخة فعلا هي دي الي كانت الابتسامة مش بتفارق وشها هي دي خديجة الي كان الكل بيحسدها علي جمالها وضحكتها لا يا خديجة انتي مكنتيش عايشة مع رامي ابدا من يوم ما حبتيه وانتي مطفية مش خديجة المنورة الي انا اعرفها الي كلنا كنا نعرفها من ساعة ما قلبك دق لرامي وانتي مش انتي وانا معرفكيش كل يوم بتطفي قدامي من الاهمال والبرود وانا مش عارفة اعملك حاجه وانتي كمان ساكتة.
وخديجة كانت بتبص لنفسها ف المراية كل الي بتقوله رندة صح مش هي دي خديجة الي هي نفسها كانت تعرفها الي قدامها دي واحدة مستهلكة واحدة كبرت قبل اوانها واحده هي متعرفهاش اهملت ف نفسها اوي كان كل اهتمامها وحبها لرامي وفي الاخر اي قټلها مخدتش حاجه من الحب ده غير الذل والاھانة والبرود لدجة انها معدتش عارفه مين قدامها ف المراية دي.
رندة والدموع ف عنيها فوقي بقا فوقي بقا يا خوخة فوقي لنفسك ولولادك والي بيحبوكي حوشي مشاعرك للي يستهالها ادي حنانك لولادك ولنفسك وللناس الي بتحبك بجد اعملي لنفسك مستقبل اعملي لنفسك الحياة الي انتي عايزاها بدل البكا علي الي راح اشتغلي اخرجي اتفسحي البسي اعملي كل حاجه كان نفسك تعمليها وسبتيها عشان خاطر رامي ارجعي خديجة الي نعرفها ارجعي يا خوخة.
خديجة استدارت وبصت لرندة وقالت معاكي حق كل كلمة قولتيها صح... انتي صح وانا كنت طول عمري غلط كنت غبية.
رندة لا يا روحي مكنتيش غبية ولا حاجه بس حبيتي من قلبك حبيتي بجد بس حبيتي الي محبكيش وميستاهلكيش..... حبي نفسك يا قلبي حبي نفسك واهتمي بيها وخلي بالك من ولادك ولادك هما حياتك دلوقت عيشي لنفسك ولولادك الي جاي خلية يندم انه سابك وساب قلبك الي عشقه خليه يندم علي كل يوم عاملك فيه ببرود واهانه خليه يشوف خوخة خوخة الي وحشتني اوي.
خديجة حضنتها اوي وقالت شكرا شكرا يا رندة شكرا يا احلي اخت ف الدنيا مش عارفة من غيرك كنت هعدي الازمة دي ازاي.
رندةربنا يخليكي ليا يا روح قلبي ومنحرمش منك وخليكي فاكره الضړبة الي متموتش تقوي وتقوي اوي كمان.
خديجة بابتسامة حاضر حاضر يا روني هبقى قوية من هنا ورايح هبقى قوية.
رندة هي دي خوخة الي انا اعرفها.
وعدى اليوم بين تفكير خديجة ف كلام رنده ودعاء رندة ليها ربنا يريح قلبها وفرحة رامي انه خلاص هيتجوز حبيبته بكرا خلاص بكرا حبيبته الي هو اختارها هتكون ملكه.
وجه اليوم الموعود والفرح كان معزوم فيه ناس كتير اوي ومن ضمن الناس دي حمزة طبعا كان قاعد علي طربيزه بعيدة بيراقب رامي وداليا وهما بيرقصوا ومش طايق داليا ولا رامي وبيفكر يا تري خديجة عامله اي دلوقت لانه طول عمره بيعتبرها اخته الصغيرة وعمره ما كان موافق علي معاملة رامي ليها ولولا ان هي الي قالتله لما اتصل بيها يطمن عليها انه يجي الفرح ويكون مع رامي فيوم زي ده مكنش جه هنا ابدا.....
وبعد دقايق قام من مكانه وراح للكوشه عند رامي وداليا وقال مبروك يا عريس وبص لداليا مبروح يا عروسه.
رامي الله يبارك فيك يا صاحبي اي رايح فين لسه بدري.
حمزة لا بدري اي بدري من عمرك انا تعبان ومتنساش انك هتروح شهر العسل وتسيبك الشغل كله عليا انا.
رامي بفرحة معلش بقا انا عريس وكام شهر كدا واجيلك ونردهالك ف الافراح يا برنس.
حمزة فنفسه الله يرحم ايام فرحك علي خديجة نزلت الشغل من تاني اسبوع ده انت معندكش ده يا جدع.
وبص لرامي وقال بابتسامة ماشي يا عم ومبروك تاوي يلا بقا سلام.
ومشي وهو مضايق بس اهو صاحبه هيعمل اي.
نروح لخديجة الي كان بالنسبالها اليوم ده يوم مۏتها كانت قاعدة بتتخيل رامي هو ومراته ف الفرح واد اي هو مبسوط دلوقت وهي...وهي قاعدة تندب حظها لوحدها.
قامت وراحت الاوضة وبصت لصورة رامي الي علي الكومود.
قالت پبكاء ليييييه.... ليه تعمل فيا كدا وانا عمري ما عملتلك اي حاجة وحشه بالعكس انا كنت بتمنالك الرضا ترضى اديتلك كل حاجه حبي وقلبي واهتمامي وروحي وعقلي اديتلك كل كياني وانت...انت عملت اي غير انك ذلتني واهنتني كانك بټنتقم مني لحاجه انا معملتهاش بعد كل ده تعمل فيها انا كدا انا انا يارمي....
وصمتت لحظات وتابعت وهي بتمسح دموعها بس خلاص من النهارده مفيش بكا تاني مفيش دموع تاني مش هبكي تاني عليك لانك فعلا متستحقش من النهارده انت ابن عمي وابو ولادي وبس وهعيش لنفسي ولولادي وبس وهنساك وھموت اي مشاعر ليك جوايا وهتكون فترة وعدت من حياتي ومش هرجعلها تاني وقامت ومسكت الصوره وقلبتها علي وشها وطفت النور ونامت. 2
وتاني يوم راح رامي وداليا لشهر العسل وكانت دي من اسعد الايام الي ف حيات رامي او هو شايفها كدا والشغل كله ف المكتب كان علي حمزة وخديجة كانت مدية كل اهتمامها لاولادها بتلعب وتهزر معاهم بس وهي لوحدها لما بيناموا تفتكر رامي وتفتكر ايامها معاه وبعدين ترجع تفتكر الي عمله فيها ف تبعده عن تفكيرها خالص وتفكر نفسها بالي عمله.
وهدى ع الحال ده 3 شهور ورامي لسه ف العسل مع داليا ف الفنادق والمنتجعات السياحية ومرجعش لسه وخديجة حست بالملل من القاعده ف البيت لوحدها بعد لما مالك ومليكه يناموا والايام مفيش فيها اي جديد.
و ف مره اتصلت ب رنده.
رندة الو يا خوخة عامله اي يا بت.
خديجة بضحك انا كويسه يا اختي انتي الي عامله اي انتي وحسن والاولاد.
رندة ف احسن حال الحمد لله والعفاريت عامين اي.
خديجة العفاريت كويسين جدا وزي الفل.
وبعد مده من الكلام العادي.
خديجة رندة.
رندة نعم يا روحي.
خديجة انا قررت قرار ومحتجاكي تساعديني فيه.
رندة قرار اي ده يا خوخة.
خديجة.....
البارت السادس
كان لها ذالك الكبرياء الذي يجعلها تبدو ثابتة امام الجميع مع ان كل شئ بداخلها يرتجف.
الشوق والحب شئ ولكن عزة النفس اشياء.
انا......انا اكتشفت من انا وحينها فقط صرت حرة.
رندة قرار اي ده يا خوخة.
خديجة عاوزة اشتغل.
رندة تشتغلي بتتكلمي بجد.
خديجة اه والله عايزة اشتغل عايزه اعمل حاجات كتير اوي اوي يا رندة حاجات كنت محرومة منها من زمان.
رندة بفرحة بس كدا من عنيا الشغل ومقدور عليه تيجي تشتغلي في الشركة الي بشتغل فيها محتاجين مهندسين وتخصصك بس عايزه تعملي اي كمان يا قلبي.
خديجة بشرود عايزه اتغير او عايزه ارجع زي زمان عايزه ارجع اهتم بنفسي ولبسي وشكلي عايزه اعمل زي ما قولتي عايزه ارجع خديجة بتاعة زمان خديجة الي من غير رامي.
رندة بعطف طبعا طبعا يا روحي اساعزدك واتغير معاكي كمان واضافت بمرح عشان انا نفسي اعمل نيو لوك بصراحة.
خديجة بضحك طيب وهنبدأ من امتي انا عايزه ابدأ كل حاجة فأسرع وقت.
رندة من بكرا يا سلام ولو حبيتي من امبارح يحصل.
خديجة ضحكت علي رندة وهي بتقول انها كانت ازاي هتعدي المحڼة دي من غير صديقة عمرها واختها.
خديجة طب بكرا ننزل بقا انا مسلمالك نفسي.
رندة اتفقنا يا خوخة بكرا نسيب الولاد عند ماما وننزل احنا هعدي عليكي الساعة 3 تمام.
خديجة اه تمام طبعا اي وقت هستناكي 3 يلا سلام يا روني.
رندة سلام يا خوخة.
وبعد انتهاء المكالمة خديجة جلست عند الشرفة وقررت انها فعلا لازم تتغير ترجع لنفسها الي وحشتها وتشتغل وتتعرف علي ناس جديده وتخرج وتخلي بالها من نفسها ومن ولادها ومتفكرش ف رامي ابدا.
نروح حتة تانية وهي مارينا كان رامي وداليا بيلعبوا مع بعض ويجروا علي الشاطئ لحد ما تعبوا وقعدوا.
داليا بضحك بس انا كدا نفسي اتقطع مش قادرة.
رامي بضحك لا انتي الي بطيئة.
داليا لا انت الي سريع وطويل عشان كدا بتمسكني.
وفضلوا يضحكوا ويهزروا لحد ما فون رامي رن.
داليا وده مين الرخم ده دلوقت.
رامي ده حمزة معلش يا حبيبتي هرد عليه.
وفتح الخط....
رامي الو ايوا يا حمزة عامل اي.
حمزة عامل ايه عامل خط وماشي عليه يا خويا.
رامي يا خفة.
حمزة والله ما حد خفة غيرك هو انت يابني معندكش ډم لا بجد قولي معندكش ډم كل ده شهر عسل ده حتي اسمه شهر يا جدع مش 3 شهور عسل انا خلااااص معنتش قادر علي الشغل ده كله لوحدي.
رامي معلش يا عم حمزة عريس بقا وكدا.
حمزة بضيق عريس وخلاص عدى علي جوازك 3 شهور مش هتقعد بقا جمب مراتك ونسيب الشغل يضرب يقلب كدا مش هعرف اشيل ده كله لوحدي اكتر من كدا انزل بقا بدل والله لهقفل المكتب ويولع الشغل اكتر ما هو والع.
رامي بضحك حاضر حاضر والله اسبوع واحد وهنزل.
حمزة وانا لسه هستنى اسبوع واحد كمان في المعمعة دي لا يعم يفتح الله.
رامي خلاص والله اسبوع واحد بس.
حمزة لما نشوف اخرة شهر العسل الاسود ده هيخلص امتى سلام ياعم.
رامي قفل مع حمزة وهو بيضحك علي تذمر حمزة وكلامه.
داليا هو اي الي اسبوع وننزل يا رامي انا عايزه اقعد كمان شوية لسه بدري.
رامي لا بدري اي يا داليا اخنا بنتفسح اهو بقالنا 3 شهور وعلي رأي حمزة مفيش شهر عسل 3 شهور والشغل متراكم علي حمزة لازم ارجع قعدنا كتير اوي.
داليا بتذمر بس اسبوع قليل.
رامي مهو احنا قعدنا قبله كتير يا داليا ومعلش يا ستي هبقا افسح بردو لما نرجع.
داليا برقة ماشي يا حبيبي.
وفضلوا صامتين شويه لحد ما داليا قطعت الصمت ده وقالت هو انت وخديجة قضيتوا شهر العسل بتاعكوا فين
رامي سابها وبعد عنها واداها ضهروا وقال واي الي جاب سيرة خديجة دلوقت يا داليا.
داليا بسرعة والله مش قصدي انا بس بسأل...... رامي
بس رامي كان سرحان ف حاجة تانية افتكر ان هو موداش خديجة شهر عسل ولا اي حاجة بالعكس قضوا اول جوازهم ف البيت وكان بيعاملها ببرود تام مكنش بيقولها كلام حلو زيها زي اي عروسه وكان مش بياكل معاها كتير وبيسبها لوحدها معظم الوقت ونزل الشغل من تاني اسبوع جواز وكان فاكر الخڼاقه الي حصلت بينه وبين ابوه بسبب الموضوع ده ومع ذلك عمرها ما اعترضت ولا قالت لا بالعكس كانت بتسمع كلامه وعمرها ما عرضته ابدا.
قطع افكاره صوت داليا.
داليا بتوتر رامي طب انا اسفه خلاص مش هجيب سيرتها تاني.
رامي
بهدوء يلا نرجع الفندق انا تعبت وعايز انام.
داليا رامي بجد انت عايز تنام دلوقت رامي انا.......
رامي بضيق يلا يا داليا بقولك تعبان وعايز انام.
ومشي وداليا بتبصله وهو بيمشي وبتقول لنفسها الله يخدك يا خديجة زفت مش عارفة كل لما تيجي سيرتك هو بيتغير كدا
ليه.
وجريت عشان تلحقه.
نروح مكان تاني وهو بيت حمزة....
حمزة دخل البيت وهو