روايه سامحيني

البارت الاول
البداية ف بيت جميل أروي مش كبير ومش صغير وبطلتنا واقفة ف المطبخ زي كل يوم بتحضر الاكل بعد ما نضفت البيت كله.
خديجةمالك بس يا مالك متبهدلش البيت عشان لما بابي يجي يلاقي البيت نضيف يا لوكة.
مالكهو بابي جاي امتي يا مامي.
خديجةكمان شوية يا روحي بس عايزاه لما يجي يلاقي لوكة شاطر وهادي وبيسمع الكلام عشان يجبله حاجه حلوه.

مالكحاضر يا مامي مالك هيقعد ساكت اهو وقعد وحط صباعه علي بؤه زي علامة السكوت
خديجة ضحكت علي براءة ابنها وباسته من وجنته وكملت الاكل.
نسبهم ونروح لمكان تاني هنلاقي راجل طويل عنده عضلات وجسمه مفهوش اي اثر للسمنه واقف وبيتابع شغل العمال اكيد عرفتوه ايواااااا هو رامي وهو بيتكلم مع العمال جه من وراه صديق عمره وبير اسراره حمزة
استوووووب نتعرف علي حمزة...
حمزةعنده 33 سنة زي رامي ووسيم جدا زي رامي بردو بس عكس رامي خالص ف الشخصية حمزه عينه بني لون القهوة وشعره بني ناعم جدا ومفتول العضلات واقصر من رامي ب سنه بسيطة ومرح جدا وبيحب الهزار عكس رامي الجد دايما وعصبي بس حمزه ساعة الشغل شغل وبيقلب جد جدا.
نرجع تاني..
رامي اي يا حمزه بيه كل ده تأخير انت عمرك ما هتتظبط في مواعيدك ابدا جاي متأخر وسايبني من الصبح ف المعمعة دي لوحدي.
حمزةاي اي اي هي دي صباح الخير يا حمزه وحشتني من امبارح للنهارده يا حمزة داخل فيا زي القطر منا جيت اهو روق بقا.
رامياهو مبنخدش منك غير الغلبة وطولة اللسان بس قصر ف يومك الي مش فايت ده وتعالي ساعدني بدل الرغي ده.
حمزهحاضر يا وحش.
فضلوا هما الاتنين يشتغلوا ويتكلموا مع العمال لحد ما العمال خلصوا وروحوا.
وهما قاعدين بعد الشغل....
حمزةها يا وحش عامل اي والعفاريت مالك ومليكة قلب عمو عاملين اي.
راميانا...انا زي كل يوم مفيش جديد عايش اهو الحمد لله والعفاريت كويسين جدا ياسيدي وزي ما قولت عفاريت متقلقش.
حمزة يا ساتر يارب اي التشاؤم ده يابني عايش زي كل يوم انت عمرك ما هتنسى بقا.
راميمنا عايش اهو هقولك اي يعني وبعدين منا ناسي بقالي 7 سنين وعايش اعمل اي بقا.
حمزة تعمل اي! تعمل اي ف اي يا رامي الي زيك يحمد ربنا مالها خديجه يعني دي ست الستات نعمة من ربنا رزقك بيها ورزقك منها بأجمل ولدين ف الدنيا وبتحبك من وهي صغيرة وانت عارف يبقا بتتبتر ع النعمة ليه.
راميمبحبهاش يا حمزة مبحبهاش انا متجوزها من 7 سنين عشان خاطر ابويا قالي بنت عمك وانت اولي بيها من الغريب بس انا مش بحبها حاولت ومعرفتش اعمل اي عايش وساكت.
حمزةمعرفتش عشان انت الي مش عايز تعرف وعاوز دايما تحس انك مڠصوب وعاجبك دور الضحېة ده هي مثلا وانا اسف ف السؤال مقصرة ف حاجة.
راميبالعكس ابدا دي مش هبالغ لو قولت زوجة مثالية وام مثالية مش ناقصها حاجه العيب فيا انا انا يا حمزة مش فيها انا الي مش قادر احبها ومش عارف انا عايش معاها بس عشان هي وصية ابويا وعشان الولاد.
حمزةتصدق ان انت صعبان عليا اوي يا صاحبي.
راميصعبان عليك ! وصعبان عليك ليه بقا ان شاء الله.
حمزةعشان انت بتتبتر ع النعمة والي بيتبتر ع النعمة بتزول من وشه يا صاحبي ومش بيعرف قيمتها الا لما تروح ويفوت الاوان.
رامييا سلام ودي من امتي الفلسفة دي.
حمزةوحيات عبد السلام يا خويا ولا فلسفة ولا حاجه هو ده الي هيحصل بس انت الي مش واخد بالك بس... يلا يلا روح لمراتك وولادك وسبني اروح انا تعبان مش قادر.
رامي طب سلام بقا اشوفك بكرا.
ف البيت....
خديجة لنفسها الحمد لله خلصت وكله تمام اروح اخد شاور بقا واغير الهدوم دي عشان رامي جاي خلاص.
وبعد مدة خلصت الشاور بتاعها ولبست وجهزت نفسها وصففت شعرها وحطت مكياج خفيف خلاها جميله جدا وسمعت صوت حد بيفتح الباب جريت علي الصالة وابتسمت....
الباب اتفتح ودخل رامي وشافها وهي بتبتسم فابتسملها وقفل الباب.
راميعاملة اي يا خديجة معلش اتاخرت عليكي اومال فين الولاد.
خديجه بابتسامة حزينه مالاحظهاش رامي انا الحمد لله يا حبيبي الي الي عامل اي شكلك تعبان اوي.
رامياه والله تعبان جدا اكان يوم مرهق مقولتليش فين الولاد.
خديجةالولاد ناموا مالك فضل مستنيك لحد ما نام بعد ما اكلتهم.
راميوحشوني اوي كل لما اجي الاقيهم نامين.
خديجةمعلي يا حبيبي انت الله يكون ف عونك تعبان وبترجع متاخر اليومين دول.
رامي هعمل اي بس المكتب جديد ومحتاج شغل كتير اهو هانت المهم انا هروح اخد شاور واجي تكوني حضرتيلي الاكل عشان ھموت من الجوع.
خديجة حاضر يا حبيبي من عنيا ثواني ويكون جاهز.
رامي سابها ومشي. وخديجة فضلت واقفة وبتبصله وهو بيمشي بصة حزينه اوووي وبتقول لحد امتى لحد امتى يا رامي هتفضل بارد ومشاعرك بارده كدا من ناحيتي لحد امتى يا حبيب عمري
البارت الثاني
نروح مكان تاني اول مره نروحه ف بيت حمزه
حمزه فتح الباب ودخل ولقا ريحة اكل حلوه اوي ف عرف ان ست الكل واقفة ف المطبخ قام متسحب ودخل عليها بشويش وقام قايل بصوت عالي جعااااااااااااااااان.
عفاف يا لهووووي جراي اي يا زفت الطين انت انت عمرك ما هتعقل ابدا بقيت شحط اطول من الباب ولسه اهبل زي ما انت
استووووب نتعرف علي عفاف
عفافدي ام حمزة ست طيبة اري وبتعشق ابنها هو كل حياتها وعاشت حياتها كلها تربيه بعد مت زوجها ف حاډث سيارة وحمزه لسة صغير.
نرجع تاني....
حمزه انا انا اهبل يا فوفو طب ده انا الي عامل للبيت دهو حس روحي يا شيخة ربنا ما يحرمك مني
عفافيارب يارب يا قلب امك يلا روح خد دش وعلي ما تخلص يكون الاكل جهز
حمزه وهو بيوطي علي اديها يبوسهاربنا يخليكي ليا يا ست الكل.
وسابها وطلع اوضته
نروح لرامي وخديجه وهما ع الاكل كانوا بياكلوا ف صمت تام لحد ما خديجة قررت تقطع الصمت ده
خديجههو المكتب لسه فاضل عليه كتير ويخلص يا حبيبي.
رامي لا مش كتير هو يعتبر خلص بس فيه شويه مشاكل كدا.
خديجه مشاكل اي ده لا سمح الله.
رامي يعني لسه محتاجين سيولة عشان ننزل اعلان نطلب فيه موظفين للمكتب وشوية توضيب اخير.
خديجة وانت مش معاك السيولة دي.
راميمعايا شويه بس لسه مش مكملين هتصرف والشويه الباقيين ممكن اخد قرض من البنك او حاجه زي كدا متشغليش بالك انتي بس وكملي اكل.
خديجة ولو مشغلتش بالي بيك هشغل بالي بمين بس.
رامي لا متقلقيش ومتشغليش بالك بحاجات ملهاش لازمه بيمر بيها اي حد.
خديجة بصتله بحزن لانه دايما يعاملها ببرود كانها واحده غريبه كانها مش مراته وام اولاده دايما يطلعها من مشاكله ومش بيشاركها اي حاجه بتحصل معاه زي اي اتنين متجوزين.
بعد ما خلصوا اكل.
رامي انا هخش انام بقا عشان تعبان وورايا شغل كتير اوي بكرا.
خديجةمش هتقعد تتفرج معايا ع الفيلم انت وعدتني امبارح.
رامي خديجة بقولك تعبان تعبان ومهدود حيلي من الصبح مش فاضي للافلام والجو ده وبالنسبة للوعد ياستي تتعوض فيوم تاني.
خديجة والدموع تتجمع ف عنيها خلاص خلاص متزعقش روح نام يا حبيبي ربنا معاك.
رامي بعد ما لاحظ دموعها راحلها وباسها من وجنتها وهي غمضت عيونها اثر البوسه وكان نفسها اللحظه تطول اكتر بس للاسف هو بعد عنها بسرعه وقالمعلش حقك عليا متزعليش مني انا مضغوط اليومين دول انا اسف نعوضها فيوم تاني ان شاء الله ماشي يا خوخة.
خديجة بابتسامةولا يهمك يا حبيبي اهم حاجه عندي راحتك روح نام انت تصبح علي سعادة الدنيا كلها.
رامي تصبحي علي خير.
وراح نام وهي فضلت قاعدة حاولت تتفرج ع الفيلم بس معرفتش وهي لوحدها من غير رامي الجو كان خانقه وممل وهي لوحدها فراحت تنام هي كمان. 2
تاني يوم الصبح....
خديجةرامي يارامي قوم يا حبيبي عشان متتاخرش ع الشغل.
رامي بنوم هي الساعة كام دلوقت.
خديجةالساعة 7 الصبح يلا قوم بقا.
راميحاضر قايم اهو.
وخديجه كمان قامت تحضر الفطار وتطمن علي مالك ومليكة فلاقتهم لسه نايمين وبعد ما حضرت الفطار وفطروا رامي قاليلا سلام بقا يا خديجة انا رايح الشغل.
خديجةاستني يا رامي هنا ثانيه واحده بس.
راميلا استنى اي هتاخر اوي كدا قولي عايزه اي.
خديجه ثانيه واحده والله مش هتاخر.
وطلعت جري ع الاوضة وبعد مده نزلت وف اديها علبة مجوهرات وشيك بنكي ومدت ادبها لرامي بتقوله خد يا حبيبي.
رامي اد ده.
خديجةدي مجوهراتي ودهو شيك فيه مبلغ كدا من حسابي ف البنك خدهم بيع المجوهرات واسحب المبلغ بدل ما تاخد قرض وتداين للبنوك خد وشوف تجهيزات المكتب.
راميلا يا خديجة لا دي فلوسك مقدرش اجي جمبها ابدا خلي حاجتك معاكي مش همد ايدي عليها.
خديجة وهو يعني مين الي جبلي المجوهرات دي مش انت ولا مين الي كان بيحطلي الفلوس دي ف البنك باسمي مش انت بردو خدهم بقا يعني انا ولا البنك يا حبيبي وانا عارفة ان لما الامور تتحسن هتعوضني يلا خد بقا متتعبنيش امسك.
وبعد الحاح كتييير جدا وافق رامي ياخد الفلوس بس بشرط ان يكون ليها ارباح كل اول شهر يدهالها من المكتب وهي وافقت عشان يرضى ياخد الفلوس منها.
وفعلا راح باع المجوهرات وسحب الفلوس من حسابها وراح ع المكتب.
وهو ف المكتب دخل عليه حمزه....
حمزة صباح الخير يا عمنا.
رامي عمرك ما هتتعلم تخبط ع الباب زي البني ادمين ابدا صباح النور يا سيدي.
حمزة مش جديد علبك انا يعني المفروض تكون اتعودت.
رامي اه طبعا بقا عندي مناعة.
حمزةطب كويس المهم العمال دلوقت خلصوا شغل والمكتب بقا جاهز ها هنعمل اي تاني.
رامي هتروح دلوقت تنزل اعلان تطلب فيه موظفين للمكتب وسكرتيرة طبعا.
حمزة واحنا معانا سيولة دلوقت لكل ده.
رامي اه الحمد لله ربنا ڤرجها.
حمزة ازاي يعني جبت الفلوس منين.
حكاله رامي علي الي حصل وان خديجة هي الي ادتهم الفلوس الي يبدأوا بيها.
حمزة بإعجاب ونعم الاخلاق والتربية اهي هي دي الست العظيمة بجد ربنا يخليهالك ويبارك ف عمرها يارب.
راميخلاص ياعم انت هتشحت ولا اي.
حمزة ولا هشحت ولا حاجة ياعم انا بعبر عن مدى اعجابي بوقفتها جمبك بس هنقول اي يفيد ب اي البوح بدام البعيد لوح ال مبحبهاش ال ياخي حبك برص.
رامي حمزة.
حمزة ياخي بلا حمزة بلا هباب بقا انا رايح اتزل الاعلان وربنا يكرمنا.
رامي يارب يلا روح سلام.
وفعلا حمزة نزل الاعلان ع النت وف الجرايد وف كل حتة ممكنة واتقدم ناس كتير للتوظيف ورامي وحمزه قضوا كام يوم يعملوا انترفيو يختاروا احسن ناس للتوظيف ف المكتب لحد ما خلصوا.
حمزة بااااااس كدا مفضلش غير سكرتيرة.
رامي اه طبعا هي دي اهم
حاجه هي الي هتدير المكتب ف غيابنا.
حمزة بكرا بقا نعمل الانترفيو الي هنختار فيه السكرتيرة بس انا دلوقت عاوز اروح حقيقي تعبت وعايز انااام وانت كمان اكيد تعبت وعايز ترتاح.
رامي تعبان دي كلمة قليلة فعلا خلاص مش قادر احنا بقالنا ف المرار ده كام يوم.
حمزة خلاص بقا نروح النهارده وبكرا يحلها حلاليلا سلام بقا يا وحش ابقا بوسلي العفاريت الصغيرين.
رامي سلام يا حمزة وحاضر يا سيدي هبوسهملك يلا تصبح علي خير.
حمزة وانت من اهل الخير يا صاحبي.
وكل واحد راح علي بيته..
البارت الثالث
يعلم الله اني احببتك بكل قوتي
يعلم الله ان حبي تخطى كل الحدود
يعلم الله اني زرفت الكثير من الدمع وقطعت جميع الوعود
يعلم الله اني ما قصرت معك يوما
يعلم الله اني فعلت كل شئ لامنعك من البعد ولكنك انت من اخترت.....الرحيل
دخل رامي البيت بعد يوم طويل جدا من الشغل لقى البيت في قمة الجمال وريحة الاكل حلوة جدااا بس بالنسبة ليه دي حاجه بتحصل كل يوم اتعود علي كل ده اتعود ان كل حاجه بيلاقيها موجودة ومنظمة اكله جاهز هدومة مكوية ودولابه كل حاجه هي الي منظمهاله لما بيضيع منه اي حاجه بيجري يسألها وهي تجبها بكل سهولة منظمة ليه كل حياته بس هو اتعود علي كل ده عشان كدا حاسس ان كل ده طبيعي انه يجي يلاقي كل ده...
رامي السلام عليكم
خديجة وهي طالعة جري من المطبخ وعليكم السلام يا حبيبي.
مالك وهو بيجري علي باباه بخطواته الصغيرة بابي بابي وحشتني اوي يا بابي اتأخرت اوي.
رامي وهو بيشيل مالك وبيبوسهحبيب قلب بابي وحشتني اوي معلش الشغل كتير وبابي بيتعب فيه اوي اومال اختك فين.
مالك موكة نامت اكلت ونامت.
راميطب تعالي بقا يا بطل ناكل احنا كمان عشان بابي جعان اوي.
كل ده وخديجة واقفه بتبص عليهم وبتبتسم من منظرهم ومن الشبه الكبير الي بنهم لان مالك نسخة من ابوه وشكله عيونه وشعره وحتي كمان سمار بشرته.
خديجةثواني والاكل يكون جاهز يا حبايبي.
رامي اه والنبي يا خديجة بسرعهيلا يا بطل نقعد لحد ما الاكل يجهز.
وخديجه جهزت الاكلوهما ع الاكل
خديجةها يا حبيبي المكتب ماشي كويس.
رامي اه الحمد لله كويس اوووي وخلصنا كل الانترفيوهات بتاعت الموظفين بس فاضل السكرتيرة وكدا يبقا تمام اوي.
خديجة بابتسامة طاااب الحمد لله ربنا يجعله فاتحة الخير عليك يا حبيبي وتبقى اشهر مكتب محاماه ف مصر كلها.
رامي ابتسملهاان شاء الله يا خوخة مش عارف اشكرك ازاي علي الي عملتيه معايا ده حقيقي ربنا يقدرني واردهولك.
خديجة برقةتردلي اي بس يا حبيبي هو انا حد غريب انا مراتك ام اولادك وقبل ده كله بنت عمك دا واجبي مستحقش عليه الشكر ولو عايز تشكرني بجد خليك دايما ناجح.
رامي وهو بيبصلها وبيقول ف نفسه يارتني اعرف احبك يا خديجة ياريت بس مش قادر مش قادر.
وكمل اكل بين كلامهم وهزاره هو ومالك تحت نظرات خديجة المبتسمة.
نروح حتة تانية بقا بيت حمزة
حمزة وعفاف ع الاكل...
عفاف ها يابني عملتوا اي ف المكتب.
حمزة الحمد لله يا امي ربنا ڤرجها وخلصنا كل حاجه معدش فاضل غير السكرتيره.
عفاف ازاي بقا والفلوس.
حمزة حاكلها علي الي خديجة عملته معاهم وازاي ساعدتهم ف موضوع السيولة.
عفاف والله العظيم البنت دي تتاقل بالدهب والماس ونعم التربية يابخت رامي بيها.
حمزة يعني هو حامد وشاكر ده بيتبتر علي النعمة الي ربنا رزقه بيها قال اي مبيحبهاش ومش قادر وعايش دور المڠصوب والضحېة 7 سنين ولسه مكملين.
عفافاه والله ساعات البنت دي بتصعب عليا