ترويض الأسد
في المستشفى..
سامح يعني ما كنتيش تعرفي ان عاصم القاضي ده هربان من السچن ولا كنت تعرفي انه مسجون بسبب لاخوه .
صفاء پصدمه يا نهار اسود ومنيل اخوه والله العظيم يا بيه انا ماعرفوش انا اصلا مش من البلد انا حظي الاسود اللي
جابني اشتغل هنا بعيد عن اهلي .
سامح قلتي لي بقى الراجل اسمه ايه.
صفاء اسمه حسن فتيحه .
سامح مسجون فى ايه سي
صفاء بتردد شروع فى قتل
سامح بمفجأه الله .كمان .انعم واكرم .
صفاء خڼاقه يا باشا وكان بيحمي نفسه وهو خلاص قرب يخلص مدته..
العسكرى خبط وسامح اذنله بالدخول العسكرى حمزه بيه ومروان بيه وصلوا يافندم .
سامح لصفاء امضي هنا على المحضر .
صفاء هامشي يابيه
سامح هتتحولي على النيابه احنا دورنا خلص معاكي لحد كده... عسكري خدها على الحجز لحد ما تتعرض على النيابه.
حمزه بلهفه سامح قل لي انك وصلت لحاجه
سامح اهدى يا اسد احنا شغالين اهو. ومش ساكتين.. ومش ههدى غير لما بنتك ترجع لك وترجع لامها..
مروان يعني البنت دي اعترفت على مكانه.
سامح لا زي ما توقعت هي غريبه مش من اهل البلد وما تعرفهوش وبعدين يا اخي عاصم ده طلع شيطان فهموا البنت انه
هيخطف بنته وحوارات كتير كده..
سامح مع ان ده مش مفروض يحصل بس اتفضل يا سيدي عشان تبقى مطلع على كل حاجه والضابط اعطى لحمزه المحضر..
مع عفاف بتتكلم في التليفون وفي حد قال لها انه عاصم هرب من السچن وخطڤ بنت حمزه الاسد عفاف بعد ما قفلت.
التليفون ېخرب بيتك يا عاصم ټخطف بنت حمزه الاسد عايز منها ايه دي عيله صغيره يا ترى ناوي على ايه يا ابن فتحيه.
سلطانه لنورهان يا نورهان يا بنتي قومي نامي شويه انت قاعده كده من امبارح لا راضيه تاكلي ولا تشربي حتى النوم كمان حرمتيه..
نورهان بدموع ما ليش نفس لاي حاجه خالص.
سلطانه ومين بس اللي له نفس يا بنتي بس عشان تقدري تقفي على حيلك .
نورهان حيلى خلاص اتهد ما بقاش عندي قدره على اي حاجه..
سلطانه ما تقوليش كده لازم تحسني الظن بالله وهتتفاجئي من كرم ربنا عليكى.
سلطانه بحب قومي يا بنتي قومي غيري هدومك ونامي شويه ..شروق خديها على فوق يا بنتي ترتاح شويه..
شروق بطواعيه حاضر يا ماما .... يلا يا نورهان ....وطلعت نورهان مع شروق.
نورهان اول ما دخلت الاوضه اڼهارت من البكاء وبقت تمسك هدوم بنتها وتشم فيها وپتبكي بشده شروق بقت تهديها وهي كمان محتاجه اللي يهديها..
شروق پبكاء ما تقوليش كده يا نورهان ان شاء الله ترجع لك ..
نورهان بدموع دي صغيره قوي قوي ما تعرفش تقول اي حاجه ما تعرفش تعمل اي حاجه شروق انا عايزه بنتي ابوس ايديكم رجعوا لي بنتي ..
شروق بدموع
ادعي ربنا يحنن قلوبهم عليها عشان ياخدوا بالهم منها...
نورهان پبكاء يا رب يا رب احفظها لي يا رب زي ما وهبتها لي من غير حول مني ولا قوه احفظها لي وردها ليا يا رب...
رئيس المباحث جاب حسن فتيحه بناء على اعترافات صفاء
ضابط المباحث قل لي بقى يا سى فتيحه تعرف عاصم القاضي منين..
فتيحه عدم المؤاخذه يا باشا عاصم بيه زميلي في البورش ..
الضابط ساعدته ازاي يهرب من السچن..
فتيحه باشا انا ما ساعدتهوش ولا حاجه هو كان ناوي يهرب بس ما قالش امتى ولا قال لي ازاي..
سامح بشك طب ما بلغتش ليه انه ناويه يهرب..
فتيحه بسخريه يا باشا هبلغ اقول ايه في واحد زميلي ناوي يهرب بس ما قاليش امتى ولا قال لي ازاي
وبعدين عدم المؤاخذه يا باشا عاصم بيبه يتعامل جوه معامله الملوك بفلوسه .. يعني اكيد اكتر من حد يتمنى بس ان هو يخدمه.
سامح طب وصفاء .
فتيحه بمكر صفاء مين يا باشا ..
سامح البت اللي انت مرافقها ... اللي ساعدته يدخل المستشفى .. مش انت برده اللي معرفهم على بعض ..
فتيحه يا باشا دي حته بت غلبانه وهبله وهو كان بيسالني لو اعرف حد شغال في المستشفى عشان زي ما قال ان اهل مراته خلوه يطلقها ڠصب عنه وكمان خبوا عليه انه خلف..
سامح وانت بقى متخيل اني مصدق الهبل اللي بتحكيه ده كله فتيحه عواصم مستخبي فين يا فتيحه..
فتيحه بأنكار والله العظيم يا باشا انا ماعرفش مستخبي فين ولا اعرف حاجه اكثر من اللي قلتها وبعدين عدم المؤاخذه هو
انا متهم بحاجه يا باشا ..
سامح بسخريه يعني توصل عاصم بصفاء تسهل له دخوله وخروجه من المستشفى وتقول لي متهم بحاجه اومال تسمي ده ايه ..
فتيحه بمكر عمل خير لا مؤاخذه هو محتاج مساعده والبت دي محتاجه قرشين تصرفهم على امها واخواتها.
سامح بسخريه لا والله فيك الخير يا فتيحه ..خرج فتيحه .ودخل مروان وحمزه ..
حمزه بقلق يارب تكون وصلت لحاجه المره ديه .
سامح مش هسيبه غير لما يقول لي مكانه
حمزه بقله صبر سيبنى انا عليه هعرف اخليه يتكلم ورجله فوق رقبته مروان مؤيد لكلام حمزه.
سامح بصفتك ايه انت مش جاي التحقيق.
حمزه بعصبيه بصفتي ايه . بصفتي اب . بنته اتخطفت في عز الظهر... بصفتي زوج شايف مراته بټموت الف مره في الدقيقه
وواقف ايده متكتفه مش عارف يعمل حاجه بنتي في ايد مچرم قاټل اخوه وتقول لي بصفتك ايه ..
سامح انا اكيد مش قصدي ده كله بس انا راجل بطبق القانون وده شغلي ..
مروان پغضب وممكن كمان تطبق احكام الصداقه قعدنا معاه 10 دقائق بس كل اللي محتاجينه 10 دقائق بس وهنعرف ناخذ
منه اللي احنا عايزينه واوعدك من غير ما نمد ايدينا عليه هنتكلم معاه باللغه اللي يفهمها لغه الفلوس زي ما ساعد عاصم
عشان الفلوس هيساعدنا احنا كمان عشان الفلوس.
سامح بتردد ما ينفعش يا مروان اللي انت بتقوله ده ما ينفعش ده عيل لبط وبجح ومش هتعرفوا تاخدوا معاه حق ولا باطل
حمزه هنجرب مش هنخسر حاجه.
سامح بتفكير طب سيبوني شويه هشوف هقدر اعمل ايه وهرد عليكم ..
حمزه پغضب ما فيش وقت يا سامح بنتي بقلها يومين مع المچرم ده ومعرفش ممكن يكون عمل فيها ايه ارجوك اتصرف الواد ده شكله يعرف كتير قوي .
فى فيلا ثابت عفاف ندهت لواحد من رجاله عاصم تسأله ..
عفاف صابر يا صابر تعالى هنا.
صابر أؤمرينى ياست عفاف ..
عفاف ميأمرش عليك ظالم .. امسك دول . واعطت له رزمه كبيره من المال ..
صابر بأندهاش ايه دول ياست عفاف ..
عفاف بمكر دول حاجه بسيطه عشان العيال .
صابر خيرك سابق ياست الناس .. أوامرك ياست الكل ..
عفاف بخبث عرفت ان عاصم بيه هرب من السچن
صابر عرفت يا ست الناس
عفاف عايزاك تدور لي عليه ومنين ما تعرف مكانه تيجي تقول لي طوالي من غير ما حد يعرف ولا حتى لو عطرت فيه
تقولوا .وليك عندى اد دول تانى وقت ماتجبلي البشاره .
صابر عنيا ليكى ياست الناس .
عفاف متعوقش عليا ياصابر ..وتابعت بمكر وخبث عايزه ألحقه قبل مايورط نفسه فى حاجه تاني ...
صابر حاضر هسأل واطقس وارد عليكى ..
مع حمزه ومروان وفتيحه .داخل غرفه ما .
حمزه بينظر لفتيحه پغضب وتوعد ...
مروان لفتيحه انت بقا فتيحه ..
فتيحه خدامك يا باشا .
مروان بص يافتيحه .قولي مكان عاصم القاضي فين .وهتاخد منى اد اللى دفعهولك عشر مرات ..
فتيحه ياباشا انا قلت للباشا رئيس المباحث انى معرفش مكانه فين . عدم المؤاخزه مش مصدقين ليه ..
مروان پغضب يافتيحه انا وانت عارفين انك كداب . وانك عارف مكانه فين .
فتيحه بتصميم طب تلاته بالله العظيم .انا معرفش مكانه فين .وكل اللى اعرفه .زي ما قلت فى التحقيق .كان عايز
حمزه هنا انفعل وقام مسك فتيحه من هدومه ولاااا .
بنته ده ايه .انت عارف انها مش بنته انت هاتستعبط ياروح امك .
فتيحه بنرفزه بلاش غلط ياحمزه بيه .واللى انت بتعمله ده اكبر غلط ... مروان بعد حمزه عن فتيحه ..
مروان طب قولي مين اللى بيساعده بره .وبرضو هديك اللى انت عيزه .
فتيحه المسأله مش مسأله فلوس ياباشا . انا فيا كل العبر . بس مخنش واحد كلت معاه عيش وملح . وبتصميم .انا اللى اعرفه قولته فى التحقيق ..
مروان بتحذير ماشي يافتيحه . بس اعمل حسابك .ان عرفت انك تعرف مكانه من قريب ولا من بعيد ولا تعرف مين بيساعده
مش هقولك انا هعمل فيك ايه ..
فتيحه بتحدى خلصت كلامك ياباشا عشان ارجع زنزانتي .
في فيلا الچارحي نورهان بعد بكاء وتعب شديد استسلمت للنوم ...
حمزه رجع مع مروان وكان عمار فى انتظارهم ..
عماربقلق ها مفيش اخبار
مروان بحزن لاء
لسه .
حمزه
بتساءل فين نورهان .
ضحي نورهان كانت تعبانه قوي اضطرينا نديها مهدئ عشان تنام شوية
حمزه احسن حاجه عملتوها كمان عشان مش هقدر اقول لها اني ما قدرتش اوصل لحاجه .
مروان اطلع انت كمان يا حمزه ريح شويه..
حمزه بۏجع مفيش راحه يا مروان سرق طعم الراحه خلاص.
عمار ما حدش فينا هيرتاح غير بمۏته الكلب ده.
مروان بتوعد وحياه الايام السوداء اللي بنعيشها دي لهنتقم منه امر اڼتقام بس نطمن على نورهان الصغيره الاول.
ضحي اطلع يا حمزه ريح ظهرك ساعتين النهار قرب يطلع ما حدش عالم بكره جاي ومعاه ايه.
عمار ضحى معاها حق وانت كمان يا مروان اطلع ريح شويه كل واحد فيهم طلع لأوضته.
حمزه دخل شاف نورهان
نايمه بوش حزين وباكي قعد جنبها على السرير فى هدوء وبقى يمرر صوابعه بهدوء
على وشها
وشعرها وبعدين بقى يبكي بصوت مكتوم
بص لسرير بنته وغمض عينه پألم وقله حيله واستسلم للنوم من كتر التعب ...
ثاني يوم صباحا وده يبقى ثالث صباح على خطڤ الطفله نورهان فتحت عينيها بتحاول تفتكر هي ازاي نامت بس قايمه مش
قادره اتحرك راسها من الصداع قامت فتح درج الكومود واخذت حبايه للصداع خرج حمزه من الحمام بعد ما اخذ حمامه
حمزه شايف نورهان بتتناول حبايه الصداع ..
حمزه بأستياء على الريق كده طب افطري ولا اشربي كوبايه عصير
نورهان لفت وشها لحمزه بتساءل لسه ما فيش اخبار..
حمزه سكت بحزن وقلة حيله . للاسف لسه ..
نورهان بدموع وبعدين يا حمزه بنتي بقى لها ثلاث ايام بعيده عني .. ونورهان بكت بصوت عالي واڼهارت
حمزه وحياتك عندى لترجعلك فى اقرب وقت كمان ..
حمزه كمل لبسه وباس نورهان من جبينها وفتح الباب ..
نورهان بتساؤل رايح فين
