مكتوبه على اسمى كااامله قبل الاخير 58
انت في الصفحة 4 من 4 صفحات
انتي فاهمة حاجة من كلامهم ده
آيات ردت عليها بهمس انا مركزة مع عامر.. شايفه قمر ازاي.
هاجر ردت عليها بهمس انا مش شايفه غير القمر اللي قاعد جمبه.. شريف.. شايفه جميل ازاي وكلامه حلو اوي.
آيات بصتلها وهمست انا مش شايفه غير عامر ومش عارفه ايه اللي بيحصلي حاسه اني عايزه احضنه دلوقتي.
هاجر بصتلها پصدمة وآيات قالتلها بهمس بقولك حاسه مش هعمل كده أكيد!.. انا اصلا مش عارفه ايه اللي بيحصل معايا ده من اول ما شوفته النهاردة!
ردت هاجر بتلقائية جامدين اخر حاجة.. صح يا آيات
آيات هزت راسها بالايجاب.
شريف اتكلم بدهشة مين اللي جامدين اخر حاجة!!
ردت هاجر بتلقائيه المشاريع.
امجد بص ل اخته بستغراب وسألها مشاريع إيه
عامر بص ل آيات وسألها وايه رأيك في المشاريع بتاعنا حلوة
ردت آيات حلوة جدا.
عامر كتم ضحكته وسأل هاجر وانتي يا هاجر رأيك ايه
هاجر بصت علي شريف وقالت حلوة جدا جدا.
عامر بص ل شريف وهو جمبه وسأله وانت رأيك ايه
شريف فهم قصد عامر وقال حلوة جدا جدا جدا .
عامر أتكلم وهو بيكتم ضحكته يبقى مبروك علينا المشاريع يا جماعة.
وامجد هو كمان قال وانا برضه مش فاهم حاجة!
عامر رد عليهم وهو بيضحك لو فهمتوا مكنش ده هيبقى حالكم دلوقتي.
امجد وبيسان بصوا لبعض بدهشة وعامر أتكلم مع المحامي وقالهأستاذ ضياء جهز العقود وبلغني عشان نوقعها انا وامجد.
المحامي قام وقف وقال تمام يا باشمهندس.. حضرتك محتاج مني اي حاجة تاني
المحامي استأذن وخرج وهاجر وآيات لسه بيتكلموا مع بعض بهمس وعامر وشريف بصوا لبعض وشريف هز راسه بالايجاب ل عامر وعامر فهم وبص ل امجد وقاله امجد.. كنا
عايزين نزوركم في البيت انا وشريف.. في موضوع مهم عايزين نتكلم فيه معاك ومع والدتك.
امجد بص ل عامر بدهشة وبص ل هاجر وشريف وفهم وابتسم وقال تنوروا يا عامر في اي وقت.
رد امجد وهو بيبص ل شريف يناسبني ويشرفني كمان.
هاجر وآيات فهموا معنى كلامهم وهاجر وشها احمر من شدة الخجل وآيات همست لها مبروك.
هاجر بتوتر وخجل تفتكري اللي فهمناه ده صح يا آيات
ردت آيات بهمس أكيد صح.
أمجد قام وقف وقال انا عندي شغل مهم في شركتي القديمة لازم اروح اخلصه الاول.
امجد بصلها باشتياق وقال اه طبعا ممكن.
وبص ل هاجر وقالها هاجر هتروحي ولا تيجي معانا الشركة
ردت هاجر بخجل لا انا هروح
يا ابيه.
عامر أتكلم مع أمجد شريف ممكن يوصلها.. دا بعد اذنك طبعا يا أمجد
امجد بص ل شريف وقال خلي بالك منها يا شريف.
شريف قام وقف وقال اطمن يا أمجد.
هاجر وقفت هي كمان وهي ھتموت من الخجل وكلهم خرجوا ومبقاش غير عامر وآيات.
آيات كانت بتبتسم بسعادة عشان هاجر وبصت ل عامر وسألته هو شريف وهاجر...
عامر هز راسه بالايجاب وقالها هنروح نخطب هاجر ل شريف بكره.
آيات ابتسمت وسألته فجأة هاجر اول لما دخلت كانت بتشكرني عشان اللي انت عملته مع امجد!! هو انت عملت ايه بالظبط مش فاهمه!
رد عليها عامر بمكر لو كنتي مركزة في الاجتماع اكيد كنتي هتعرفي انا عملت ايه.. بس واضح انك كنتي مركزة في حاجة تانيه شاغلة تفكيرك.
آيات اتوترت وقالت انا كنت مركزة في الاجتماع جدا على فكرة بس الكلام اللي انتوا قولتوه انا مكنتش فهماه!! عشان كده مكنتش مركزة اوي.
عامر هز راسه بتفهم وقال عموما انا شاركت امجد في الشركة دي لحد ما يقف على رجله تاني ويعوض الخسارة اللي خسرها وبعد كده هنسحب من الشراكة عشان الشركة تبقى ملكه لوحده.. انا عندي شركتي الخاصة ومش محتاج الشركة دي وامجد شخص غالي عندي ووقوفه معاكي في غيابي دين في رقبتي ولازم ارده.
آيات بصتله وقالت وانا كنت عايزة ابيع الأرض عشان اساعدهم .. هاجر وامجد اول ناس وقفوا جنبي لما جيت هنا.. ولولا هما الله اعلم كان ممكن يحصلي ايه!
رد عامر بثقة وهو بيقوم من مكانه وبيقرب منها وده دين تاني عليا ليهم.
ومسك أيديها قومها ولمس خدها بحنيه وقال انتي غاليه اوي يا آيات واي حد ساندك او وقف معاكي انا لازم اكرمه.
آيات بصتله آوي وقالت انت ازاي كده!! ازاي الحاجة وعكسها!!
عامر اتكلم بحزن انتي اللي رسمتي صورة مزيفة ليا في خيالك ومصممه تصدقي الصورة دي ورافضة تشوفي صورتي الحقيقية.. بس انا قررت اخليكي تشوفي كل الحقيقه.
آيات بدهشة حقيقة ايه
عامر حقيقة عامر الچارحي اللي انتي مكتوبة على اسمه... بقلمي ملك إبراهيم.
... يتبع
