بين طيات الماضي
واكيد ده عامل جلج
ادم انا عاذرها طبعا ومقدر اللي هيا فيه
ام سعد طيب انتي يا بنتي مجولتيش ليه من بالليل انك مش مرته وكنا كلمنا اهلك
ادم ايوه اتفضلي ردي اهي ست كبيره وقالتلك ماقولتيش ليه انا مش فاهم انتي ازاي ما فكرتيش تتصلي باهلك تطمنيهم عليكي
فاتن مجاش في بالي مفكرتش
ادم بعصبيه يعني ايه مجاش
سعد اهدي اهدي الامور ما عتتحلش اكده جمر خديها وفطريها يالا
قمر شدت فاتن واخدتها وادم فضل رايح جاي هيتجنن
ام سعد يا ابني اهدي اكيد لما يعرفوا اللي حصل الامور
قاطعها ادم الامور هيحصل فيها ايه هتدوري لكل بيت تحكيلهم اللي حصل طيب بافتراض انهم صدقوا هيقولوا ليه ما اتصلتوش من بالليل هنقولهم زي المتخلفه دي ما بتقول ما فكرتش هرد اقول ايه انتي مش متخيله المصېبه اللي انا اتدبست فيها
ادم انا اعتبر كبير البلد وليا وضعي وسمعتي وحاجه زي دي هتعمل دربكه وما ينفعش اقول ماليش دعوه
ام سعد بس انت فعلا مالكش دعوه هيا بنت غبيه
ادم يعني اعمل ايه
ام سعد ولا اي حاجه انت هتوضح اللي حصل وبس معلكش انت عيب
سعد هيا عملت اكده في نفسها لو كانت جالتلي والله كنت خدت مراتي ورحت وصلتها بالليل بس احنا فكرناها مرتك
ادم انا مش عارف هيا ازاي سكتت وتقصد ايه بكده ولا هيا فعلا غبيه بس اللي اعرفه ان انا مش من النوعيه اللي بتقول ماليش دعوه
ام سعد بصراحه يا ابني ممكن تكون جاصده انت الصراحه مفيش واحده عترفض فرصه للارتباط بيك
ام سعد ماهو جالك انه كبير بلدهم وانه مش من النوعيه اللي بتتخلي عن حد واكيد ده معروف عنه
سعد اسكتي يا اما والنبي وجومي فطري الراجل بدال اللوك لوك ده
ادم ابتسم مالوش لزوم
ادم تسلم ايديكي مقدما
فطر ادم معاهم وقعد وسطهم وكلهم بيتكلموا عادي وكأنه
صاحب من زمان اما فاتن فطلعت الاوضه وقفلت علي نفسها لانها ما استحملتش نظرات
الاتهام من الكل
قمر بس يا سي ادم البت مش وحشه
قمر فاتن
ادم اه وحشه ولا مش وحشه مش فارقه اصلا معايا
ادم سرح كده شويه وافتكر ندي
ام سعد اه يبجي اكده في غيرها وعلشان اكده دي مش فارجه احكيلنا احنا زي عيلتك برضه
ادم ضحك والله انتي ست عسل بس انا مش من النوع اللي بيحكي
ام سعد واحنا مش عيلتك يعني ساعات بيكون الكلام مع حد غريب اسهل علي الاجل هما ماهيعرفوكش فمش هتفرج ده غير انهم هيكونوا حيادين اسمها ايه بجي
ادم ضحك تاني
سعد اما كفايه ارحمي الراجل
ام سعد بس يا واد انت
قمر طيب حلوه
ادم ابتسم احلي واحده في الكون كله
كلهم هيصوا انه اتكلم
سعد واكيد دي اللي انت شايل همها صوح!
ادم بزعل للاسف لأ احنا اتطلقنا اصلا
ام سعد لا اكده انا مافهماش حاجه واصل انا اعمل شاي وحضرتك تبدأ من الاول خالص
وفعلا ادم حكالهم حكايته من الاول خالص لحد ما اتطلقوا بس مقلش انه شاف ديفيد بيضمها بس قال انهم قربوا من بعض ومعرفش ليه تجاهل النقطه دي او ليه مقلهاش
ادم بس دي الحكايه كلها
ام سعد والدتك عندها حج في خۏفها عليك بس انت برضه غلطان
ادم انا غلطان غلطان في ايه
ام سعد انك عملت زي اللي بيجول جبتها من الدار للڼار ليه خبيت عنها حجيجتك وطبيعتك ليه ما ورتهاش شكلك ده وتعليمك العلام مهم وبعدين لازم الست تحس ان الراجل اعلي منيها وانه هو اللي فوج مش العكس وبعدين دي امريكاويه يعني كان لازم تاخدها بالساهل وتسويها اكده علي ڼار هاديه زي ما بيجولوا واحده واحده تفهمها وتعلمها مش اكده انت خسرتها بنفسك وانت طريجتك كانت غلط
ادم سكت لان فعلا هو بدأ يقتنع بده هو كان غلط
سعد المهم هتعمل ايه
ادم والله ما عارف انت لو مكاني هتعمل ايه
سعد بص لمراته وادم لاحظ نظرتهم لبعض وشاف حب صادق بينهم
سعد انا فضلت وراها لحد ما جبتها بيتي وجبتها من اخر الدنيا وفضلت وري ابوها لحد ما جال حقي برجبتي
ادم ابتسم ربنا يسعدكم
ام سعد لو هيا
في جلبك وماشايفش غيرها يبجي علي الاجل زي ما والدتك جالت اديها حريه الاختيار عرفها علي ادم صوح وخليها تختار وبعدين اصحابها دول كانوا اي جشه بتتعلج فيها لانها كانت شيفاك غلط خليها تشوفك صوح الاول
ادم اخلص من المشكله دي وبعدها مين عارف يمكن اسافرلها ونشوف
ام سعد لازم تجيبها
