أوبر
انت في الصفحة 1 من 5 صفحات
اركب ي هندسه
رفع حاجبه بضيق افندم
مش حضرتك طلبت اوبر وحضرتك الأستاذ ليل عبدالله
بصيت ف الفون ع بيانات السائق ورجعت بصيت تاني ليها ايوا انا طلبت بس المفروض السواق يبقي علاء حامد
اتوترت حضرتك كدا هتت هتتاخر ع مشوارك
بصيت لها بكبرياء عوزاني اركب معاكي انتي ...
لسا مكملتش كلامي فوني رن رديت
ايوا ي علي
..
حاضر حاضر مسافة السكه
ها !حضرتك هتركب ولا اي
ها ...اها بس بسرعه
حاضر
اتحركت بالعربيه ومشغله قرءان بس مكنتش مركز بس حواسي كلها انتبهت عند آيه معينه والذين إذا فعلوا فحشة أو ظلموا أنفسهم ذكروا فاستغفروا لذنوبهم ومن يغفر الذنوب الا الله ولم يصروا على مافعلوا وهم يعلمون 136أل عمران
فجأه وقفت بالعربيه بصيت المكان باستغراب
ياااا لو سمحتي مش دا المكان اللي بعته لابلكيشن أوبر
ايوا ي فندم عارفه دقيقه بس ابن اختي هيركب معانا هوصل حضرتك الاول متقلقش
بصتلي من المرايه لا ي فندم عنده مدرسه ومش هعطل حضرتك
نفخت بغيظ وانا ببص للساعه
وقتها دخل ولد صغير العربيه وانا متابع ابتسامته اللطيفه
صباح الخير ي لولو
رديت عليه وهي بتدور العربيه صباح الفل ي زين
يلا ي الاء بسرعه انا اتاخرت ع المدرسه
سورى ي زينو ممكن نتأخر بس شويه
زعقتله زين !!
كشړ وابتدت الدموع تتجمع ف عيونه
وانا هولع منهم انا مش عارف اي الورطه دى
بصتلي ف المرايه برجاء بس ماتكلمتش
اتنهدت بنفاذ صبر اتفضلي وصليه
ابتسمت بحماس شكرا جدا لحضرتك
والولد الصغير الټفت لي ببتسامه شكرا ي عمو
ابتسمت له
وصلته بسرعه وكملت الطريق ووصلت الشركه وعطيتها الفلوس ونزلت كل خطوه بخطيها جوا الشركه حاسس اني مش مرتاح ومش مبسوط طلعت استنيت ال بتاعي كنت متأخر شويه وادامي لسا وقت ع المقابله
السكرتيره بعمليه سورى ي استاذ العدد المطلوب للوظيفه اكتمل
هزيت راسي وعطيتها الابلكيشن و سبتها ومشيت ونزلت من الشركه دى اتمشيت وانا مضايق من كل حاجه لو مكنتش اتاخرت كنت اتقابلت ف الوظيفه و.. فضلت ماشي بدون هدف وقتها فوني رن باسم حببتي رديت
...
ليل انا خلاص كلمت بابا ووافق انك تيجي تتقدم لما عرف انك شغال ف شركة ..ليل انت معايا
انا متقبلتش ومشيت ي أروى
اتكلمت بزعل اذاى دا حصل دا انت دافع فلوس كتير عشان تقبل
وصلت متأخر
بعياط بعد كل دا !!
زعقت المفروض اعمل اي ي آروى !!انتي ممكن تصبري عليا شويه وهلاقي وظيفه احسن بس مش بالطريقه دى ابقي بادى حياتي برشوه وكدب
بعياط لا ي ليل انت مبتحبنيش وعاوزني ابقي لغيرك
نفخت بزهق انا كنت مضايق من اني هشتغل بالطريقه دى وكملت عشان خاطرك ربنا موفقنيش دا مش ذنبي
وانا كمان مش هقدر اكمل وهوافق ع العريس اللي متقدملي سلام ..تيت تيت
بصيت للفون پخنقه وخبطته ف الارض
بكل قوتي نزل قطع
مشيت مخڼوق
