روايه بقلم فونا

الاول والثاني
أنا آسفه 
شغاله في كافيه ويتر وكنت بقدم طلب لشابين علي ترابيزة وفجأة القهوة اتقلبت علي واحد منهم
اتنرفز  ايه اللي أنت عملتيه ده
أنا آسفه مش قصدي 
قام اتنرفز أسفه ايه القميص باظ
اتضايقتك الصراحه من أسلوبه  ما خلاص يا صاحبي في ايه مكنش قصدي واعتذرت ليه البكبكه دي كلها 

بكبكه!! أنت مجنونه
بدأت أفقد اعصابي  أحترم نفسك عشان مخربش عليك
فجأة المدير حضر علي صوتنا العالي
في ايه يا مريم 
في أن الأستاذ ده عمال يقل أدبه أنا دلقت القهوة عليه ڠصب عني واعتذرت لكن إزاي لازم يتعصب ويتنرفز ويغلط
أتكلم بعصبيه الشاب  مش قد الشغل والشيل بتشتغلو ليه 
اتعصبت جدا  معلش يا روح مامي أصلي بتعب وبشقي وبيطلع عين أمي عشان أصرف علي نفسي مش زيك معتمدة علي فلوس بابي
المدير أتدخل لأن الموضوع بدأ يسوء
بس مريم أهدي لو سمحتي مينفعش الأسلوب ده!!!
وأنت يا ابني خلاص حقك عليا 
صړخت بقوة في جدو أيمن  جدو لو سمحت أنت ملكش أي ذنب عشان تعتذر للبقف ده
بصلي پصدمه  أنا بقف!
جدو أتدخل بسرعه  بس خلاص ايه مش محترمين وجودي ولا ايه مريم أتفضلي على شغلك
مشيت وأنا ببصله بضيق
جدو أيمن صاحب بابا الله يرحمه هو وماما 
وجدو أيمن شغلني معاه في الكافيه عشان أقدر أصرف علي نفسي 
وبكل هدوء أخدت الصينيه والكوبايات ومشيت بكل برود بس قبل ما أمشي بصيت لجدو وقولت بتحذير  لو حصل وعرفت أنك عملت معاه أي حاجه كده أو كده هتبقي بزعله جامده 
ومشيت مهتمتش برد الفعل 
الشاب كان واقف باصصلها پصدمه وبعدين ابتسم بغلب
جدو قرب منه  يوسف يا ابني حقك عليا متزعلش 
مش زعلان يا جدو حقك عليا أنا اللي آسف عملت دوشه في المكان
أبتسم بحنان وهو بيطبطب علي كتفه وبيقول بحنيه  معلش الدنيا ورتها كتير أوي شافت حاجات كتير وحشه في سن صغير أعذرها يا ابني
بصتله بهدوء وبعدين قال  امال مين دي يا جدو 
أبتسم  دي يا سيدي مريم بنت صاحبي الأنتيم عبدو أتوفي هو ومراته في حاډثه وهي عندها ١ سنه عاشت مع جدتها لغاية ما تمت ال جدتها توفت وهي عايشه لوحدها حاليا وكلية تربية أطفال معندهاش قرايب كل قرايبها قاطعين معاها بسبب مشاكل وهي دلوقتي ملهاش حد تعرفه غيري أنا ونادية مراتي 
كان يوسف باصصلها وهي بتتنقل بخفه بين الزباين والطلبات وبتضحك بهدوء كان مبتسم علي شكلها اللطيف 
خلص كلام مع جدو ومشي هو وصاحبه اللي كان معاه ولكن كل تفكيره كان فيها!
راح علي شغله في القسم
يوسف ظابط
عند مريم
خلصت شغلي كانت الساعه ٤ خرجت من الكافيه روحت سوبر ماركت جبت شوية طلبات وروحت بسرعه عملت أكل سريع أكلت ودخلت أخدت شاور وبدأت أجهز عشان كان عندي فرح واحده صحبتي من الجامعه
لبست فستان أحمر بنص كم قصير وطويل بعد الركبه ولبست هيلز حمرا وحطيت ميكب خفيف شوية وكان شعري الأحمر كيرلي 
جهزت وكنت مستنية ملك صحبتي تكلمني عشان كانت هتعدي عليا ونروح سوا قالتي أخوها هيوصلنا 
بالفعل مر دقايق ولقيتها بترن عليا
ألو
ألو مريومه يلا أنزلي أنا تحت
تمام
قفلت معاها ونزلت وركبت ورا من غير مأبص علي اللي بيسوق بس أول ما رفعت راسي أتصدمت كان هو!!اللي دلقت عليه القهوة 
هو أنت 
بصلي پصدمه  أنت
أتكلمت ملك بأستغراب  أنتم تعرفو بعض 
بصيتله بضيق ومتكلمتش
بصلي من المراية وضحك بأستفزاز عصبني أكتر 
وصلنا القاعه دخلنا كل الناس بصولي مش عارفه ليه اتوترت ميلت علي ملك وهمست  بت يا ملك هو في ايه كل الناس بتبصلي ليه
ضحكت بخفوت وهمست  يمكن عشان زي القمر 
ابتسمتلها وحضنتها وإحنا ماشيين وببص جنبها